Phiu ro a rôh trâm mâu đội viên kơhnâ rơkê pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nếo kơtăn kố 85 hơnăm, tung pơla kăch măng trâm pá puât, Đội Thiếu niên Tiền phong Hồ Chí Minh pơxiâm mơjiâng ƀă chiâng hngêi hơ- ui pâ dêi vâi o Việt Nam, hên ngế pro troăng lĕm a hdrối tung tơplâ môi tiah Kim Đồng, Lê Văn Tám, Kpă Klơng ƀă hên hĭn mâu vâi o khên tơnôu hiăng pơ-eăng hiâm tuăn lĕm khên tơnôu “hơnăm ối iâ la tuăn hiăng kân hlê plĕng hên”.

Pôa Tô Lâm tối nhên 5 tơdroăng ki Pôa Hồ hnê cho tơdroăng ki kal pơxúa khât vâ mâu vâi hdrêng hriâm, rơnêu pât tơná ƀă hlối xông kân. Tối tơdroăng ki mâ hlo vâ pêi pro ta troh hơnăm 2045; Leh tơbâ 100 hơnăm mơjiâng tơnêi têa, Việt Nam chiâng tơnêi têa mơnhông tơƀrê pêi cheăng lo hên liăn ngân, pôa Tô Lâm tối tiah kố hên mâu vâi muăn kuăn cháu hâi kố kô dế tro hơnăm veăng ‘no hên hnoăng  má môi, veăng mơjiâng, kring vế ƀă mơnhông dêi tơnêi têa lĕm ro kro mơdrŏng.