Troh nôkố, tâi tâng kơ koan ing kong pơlê troh cheăm dêi Lâm Đồng tơdjêp măng pơtroh ‘noăng chư chêh hmâ xúa; mơ-éa điê̆n tưh, chư kĭ kơxô̆ ăm pêi cheăng tơniăn ƀă tơdroăng ki kĭ kơxô̆ lối 93%. A Kông yĭch vŭ kong, vâ chê 92% mơ-éa pơtroh tung troăng hyôh măng; tơdroăng ki pro mơ-éa tro hâi khế pơkâ lối 97%, xúa kŏng ngê̆ tâi tâng, vêh xúa ‘noăng chư chêh lối 95%.

Tiô pôa Lê Thanh Liêm, Phŏ Kăn pơkuâ Khoa hok ƀă Kŏng ngê̆ Lâm Đồng, tơdroăng hnê xúa kŏng ngê̆ hiăng gum tơdjêp ‘noăng chư chêh kong pơlê – cheăm, kơdroh pro mơ-éa, kơdroh hâi khế pro mơ-éa. Laga, kong pơlê xuân trâm pá xua ‘noăng chư chêh ối utâi utá, tơmot chiâng môi ối hrá ƀă ôh tá tŭm mơngế pêi cheăng kŏng ngê̆ thông tin râ cheăm.

Tung la ngiâ, Khu pơkuâ khoa hok ƀă kŏng ngê̆ Lâm Đồng kô tơkŭm mơjiâng ‘noăng chư chêh xúa tơdjuôm, mơdêk châ tơƀrê Tíu xiâm pơkuâ rơkê ƀă mơjiâng mơngế pêi cheăng xúa kŏng ngê̆ a pơlê.