Ƀă inâi ‘’Tơdjêp khôi túa lĕm tro’’, mơđah tơbleăng troh kuăn pơlê 100 up dêi ngê̆ sih péa tơnêi têa Việt Nam ƀă Hàn Quốc. Tung mê, ai 60 um dêi mâu ngê̆ sih Hàn Quốc tơbleăng ‘na ki lĕm kong kế, khôi túa lĕm tro ƀă kuăn mơngế kơpong tơnêi têa Hàn Quốc; 40 kơtâ um dêi mâu ngê̆ sih Việt Nam tơkŭm xup kong kế, tơdroăng rêh ối khôi túa lĕm tro ƀă tơdroăng ki pơhlêh dêi kơpong tơnêi Dak Lak tối krê, Tây Nguyên tối tơdjuôm.

Tiô pôa Hồ Sỹ Minh, Phŏ Kăn hnê ngăn hnê mơhno má môi Khu Ngê̆ sih xup um Việt Nam, mơđah tơbleăng um cho tơdroăng ki kơnâ tung tơdroăng trâm mâ mơhno khôi túa lĕm pơla ngê̆ sih xup um péa tơnêi têa, gum pro trâu hơngế tơrŭm Khu tơrŭm ton xŏn tâi tâng Việt Nam – Hàn Quốc.