Hâi hôp Túa lĕm tro kuăn ngo Chăm tơbleăng ki pơxúa tơmeăm khoăng, tơdjêp ƀă mơnhông tơƀrê
Thứ hai, 10:00, 29/06/2026
Tơplôu: Gương/VOV
Tơplôu: Gương/VOV
VOV.Xơ Đăng - Kơ’nâi 3 hâi po, kơmăng lơ 28/6, a bêng Phan Rang, kong pơlê Khánh Hòa, Hâi hôp Túa lĕm tro kuăn ngo Chăm rôh má VI hơnăm 2026 hiăng mơgêi, klêi tơdroăng trâm mâ mơhno túa lĕm tro, tơ’noăng ivá, ôm hyô dêi kuăn ngo Chăm lo ing 7 kong pơlê, pơlê kong kân tung lâp tơnêi têa.
Hâi leh xua Khu xiâm ngăn túa lĕm tro - Tơ’noăng ivá ƀă ôm hyô tơrŭm ƀă Vi ƀan kuăn pơlê kong pơlê Khánh Hòa tơkŭm po, tơkŭm lối 1.000 ngê̆ nhân, ngê̆ sih, diên viên, hơlêm kuăn pơlê dêi mâu kong pơlê Khánh Hòa, kong pơlê Gia Lai, Dak Lak, Lâm Đồng, An Giang, Tây Ninh ƀă Pơlê kong kân Hồ Chí Minh. Khu tơkŭm po hiăng diâp 1717 Mê dai Mêa, 117 Mê dái Hâu, 234 Mê dái Hlái a mâu tơdroăng tơ’noăng ivá; 18 pri A, 19 pri B ƀă 20 pri C ăm mâu tơdroăng mơhno túa lĕm tro, ôm hyô.
Hâi leh cho tơdroăng pêi cheăng ai pơxúa tơbleăng pơkâ 80 dêi khu xiâm kal kí ‘na mơnhông túa lĕm tro Việt Nam, mơhno hnoăng cheăng dêi túa lĕm tro, tung mê, túa lĕm tro Chăm, cho xiâm ki mơhno ƀă tơdroăng kal mơnhông tơƀrê rĕng, krá ton.
Viết bình luận