Tơdroăng pêi pro ôm hyô rơkê dêi kong pơlê Lâm Đồng nôkố hiăng tơ’nôm ‘noăng chư chêh dêi vâ chê 1.700 tíu ối, 928 tíu mơdró ô kâ, 283 tíu troh ôm hyô, 137 tíu rôe tơmeăm, 617 tíu xah hêi ro ƀă 644 tíu xah hêi pơlê pơla.

Kố cho xiâm rêi ki kal gum tung pơkuâ tơnêi têa, mơhnhôk mơđah tơbleăng ôm hyô, tơdrêng amê tơbleăng tơdroăng tŭm tơdroăng ‘na tíu troh ƀă mâu tơdroăng mơdró ôm hyô ăm kuăn pơlê, tơmối. Jâ Lê Thị Trúc Linh, Phŏ Kăn pơkuâ Khu pơkuâ khôi túa lĕm tro, Tơ’noăng ivá ƀă Ôm hyô kong pơlê Lâm Đồng, tối ăm ‘nâi, kong pơlê xuân hiăng pêi pro kơmăi mah QR tơbleăng tơdroăng a hên tíu troh ôm hyô ki má môi tung kong pơlê.