Hneăng tơ’noăng tơkŭm po tơ'noăng 21 môn tơ'noăng ivá, mơhnhôk 3.000 ngế tơ'noăng ivá, lối 600 ngế hnê pơtâp ivá ƀă 500 ngế ngăn tơ'noăng ivá tung lâp kong pơlê veăng. Po pơxiâm po cho tơdroăng mơđah tơbleăng kheăn kơdeăn khu ki veăng dêi mâu khô̆i pơtê leh, 31 khu tơ’noăng ƀă khu ki ngăn pơkuâ tơ’noăng, mơhno tơdroăng po kân ƀă ihiâm mơno tơrŭm môi tuăn dêi mâu cheăm, bêng.

Pơtối mê cho tơdroăng po tơdah ƀă têk on hơpah a Hneăng hôp. On châ xo ing Tíu xối tơbâ Tây Sơn Tam Kiệt, djâ tơdroăng pơtối khôi túa, vêa vong tơrŭm ƀă tơdroăng pói vâ mơnhông dêi mâu rơxông hơnăm ối nếo Gia Lai. Ƀă dó inâi "Tơ'noăng ivá Gia Lai - Pói vâ mơnhông", Hneăng hôp veăng kum tơbleăng tơdroăng "Tâi tâng kuăn pơlê pơtâp ivá tiô Pôa Hồ"; tơdrêng amê hlối tơdjêp tơ'noăng ivá ƀă khôi túa, lĕm tro, ôm hyô, mơđah tơbleăng um méa Gia Lai rơdêi, ai hên khôi túa lĕm tro tung hơnăm Ôm hyô tơnêi têa 2026.