Dak Lak mơ'no vâ chê 186 rơtal liăn vâ mơnhông mơdêk túa lĕm tro hơnăm 2026 vâ 'no liăn gum ăm 102 to cheăm, bêng. Ki nếo cho khu kăn pơkuâ râ cheăm châ hbrâ rơnáu pơkâ inâi, kơlo liăn ƀă pơtroh ăm Hô̆i đong rơtế râ pơkâ, kơjo kum kơpong hơngế, hơngo, kơpong hdroâng kuăn ngo ki ối kal tơmeăm túa lĕm tro.

A râ kong pơlê, vâ chê 80 rơtal liăn châ xing xoăng ăm 6 tơdroăng tơkêa bro, mê cho 'mâi rơnêu Tíu chôu 'măn rak vế tơmeăm khoăng Dak Lak, Hngêi 'măn rak hlá mơ-éa Hải Phú, 'mâi rơnêu Hngêi mơhno túa lĕm tro Diên Hồng, kơdrum Tíu chôu 'măn rak vế tơmeăm khoăng Phú Yên ƀă 'mâi rơnêu péa tíu tơbâ ton nah râ tơnêi têa.

Tơdroăng tơkŭm mơnhông hngêi trăng troăng klông mơhno túa lĕm tro, kơmăi kơmok mơhno túa lĕm tro, tơdrêng amê rak vế khôi túa lĕm tro mâu hdroâng kuăn ngo. Tung mê, tíu pêi cheăng châ kơjo pro klêi tíu xiâm mơhno túa lĕm tro, hngêi mơhno túa lĕm tro cheăm ƀă hngêi mơhno túa lĕm tro pơlê pơla.

Tơdroăng xing xoăng kơxô̆ liăn châ pói tơngah mơdêk tơdroăng rêh ối tuăn ngôa, kơdroh kơtăn mơhno túa lĕm tro pơla mâu kơpong. Mâu cheăm kal xúa kơxô̆ liăn tro pơkâ, tơƀrê, ví mơ'no liăn ôh tá tơƀrê, mơ'nhiê liăn.