Măng tĭng Mơhno túa lĕm tro Tơrŭm tâi tâng hdroâng mơngế kong pơlê Dak Lak hơnăm kố kô po sap ing hâi lơ 17 troh lơ 24/11, a bêng Buôn Ma Thuột, bêng Tuy Hòa, bêng Ea Kao ƀă hía hé. Tung mê, leh pơxiâm po râ kong pơlê tiô tối hdrối tơkŭm po kơmăng hâi lơ 20/11 a Hngêi 'măn rak kế tơmeăm Dak Lak ƀă tơdroăng ngê̆ thuât tơkŭm chêng koăng, rơngê ting ting, hơdruê, xuăng, ƀai chòi ƀă mâu tơdroăng mơhno túa lĕm tro têa kơxĭ.

Tung pơla kố, kuăn pơlê ƀă tơmối ôm hyô a Dak Lak kô châ veăng ngăn hlo tơmeăm ki lĕm tro, Hâi mơdĭng Teăn ếo pơtâk ƀă mơđah tơbleăng ếo pơtâk tiô khôi vâi krâ nah, Troăng prôk mơhno ki lĕm tro kơphế, măng tĭng phim ƀă mâu tơdroăng mơhno túa lĕm tro pơchuât hlá mơ-éa. Tơdrêng amê, Hâi mơdĭng Tơrŭm môi tuăn tâi tâng hdroâng kuăn ngo râ kong pơlê kô châ tơkŭm po hâi lơ 18/11 a bêng Ea Kao.