Tơdroăng po xua Khu ngăn 'na mơhno túa lĕm tro, ivá ƀă ôm hyô kong pơlê Dak Lak tơrŭm ƀă Liên đoàn Nghệ thuật kong pơlê Bắc Chungcheong (ối khĕn cho Chungbuk) tơkŭm po pêi pro, ai mâu tơdroăng mơđah, tơbleăng ƀă tơpui tơno 'na mơhno túa lĕm tro, ngê̆ thuât. Ƀă dó inâi "To kơpêng mâu rơlố têa kơxĭ, tơkâ luâ mâu sok a plêng", tơdroăng mơđah tơbleăng po a Chungbuk ƀă pơlê ki achê mê.

Mâu tơdroăng mơđah tơbleăng ki rơkê má môi tơdjêp ƀă tíu mơđah tơbleăng ngê̆ thuât kong ƀă têa kơxĭ, mơhno khôi túa lĕm tro dêi kong pơlê Dak Lak klêi kơ'nâi tơmot chiâng môi, châ Hngêi hơdruê xuăng yân yan Sao Biển tơrŭm ƀă Khu hơdruê xuăng hdroâng kuăn ngo Dak Lak po mơđah tơbleăng. Tung tơdroăng mơđah tơbleăng, teăng mâ péa pâ hiăng trâm mâ, tơpui tơno troăng hơlâ tơrŭm cheăng tung la ngiâ.