Tiô tơdroăng ing Khu xiâm Khôi túa lĕm tro, Tơ’noăng ivá ƀă Ôm hyô, riân troh hâi lơ 5/11/2026, lâp tơnêi têa hiăng hbrâ 406 tơdroăng pêi cheăng, tơdroăng mơhnhôk Hâi Khôi túa lĕm tro Việt Nam. Tung mê, kơvâ khôi túa lĕm tro, ngê̆ thuât ai 282 tơdroăng ki kal; pơtâp ivá, tơ’noăng ivá ai 36 tơdroăng ki kal; mơđah tơbleăng ai 85 tơdroăng ki kal.

A kơpong peăng tơdế Tơnêi têa, mâu tơdroăng pơtối tơkŭm a tơdroăng tơbleăng tơmeăm ki má môi, tơdjêp mơđah tơbleăng ngê̆ thuât ƀă tơdroăng châ tâ châ hlo. Quảng Ngãi tối hdrối pêi pro Măng Tĭng Tơrŭm môi tuăn mâu hdrông mơngế - Tơmeăm kơnía khôi túa lĕm tro hâi lơ 18/11; Tơ’noăng tơmeăm kơnía khôi túa lĕm tro ‘na ihiâm mơno tơkŭm po sap hâi lơ 20 troh lơ 23/11 a bêng Kon Tum, ƀă mâu tơdroăng chêng koăng, leh tơbleăng troăng kơphô̆ ƀă tíu mơhno tơdroăng cheăng tiô khôi vâi krâ nah.