Tơring čar Lâm Đồng djru nao rai, anih dô̆ kơ mơnuih apăn bruă tơdơi kơ pơmut hrŏm tơring čar
Thứ năm, 09:33, 17/07/2025
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Čơtlăm lơ 16/7, ƀơi tal jơnum lok 2, Khul Khua pơ ala mơnuih ƀôn sang tơring čar Lâm Đồng tal 10 hmâo pel ĕp Tơlơi pơtrun pơsit pơkă rơnoh djru hăng mơnuih apăn bruă, mơnuih mă bruă čar, mơnuih mă bruă pơkon yua dưm dăp anom bruă čar gưl tơring čar hăng mơnuih mă bruă ƀơi hơdôm bôh tơring čar pơpha nao mă bruă pơ̆ hơdôm bôh să.
Tơdơi kơ pơmut hrŏm tơring čar, hmâo rơbêh kơ 1.800 čô mơnuih apăn bruă, mơnuih mă bruă čar hăng mơnuih mă bruă pơkon mơ̆ng Dak Nông hăng Bình Thuận hơđăp nao mă bruă ƀơi anom mă bruă kơđi čar - bruă čar pơdŏng ƀơi Đà Lạt.
Tui hơdră bruă, rim mơnuih apăn bruă, mơnuih mă bruă čar hăng mă bruă pơkon dưi djru sa wot mrô prăk 10 klăk prăk, rim blan dưi djru 5 klăk prăk nao rai hăng prăk apah anih dô̆. Hăng mơnuih mă bruă čar gưl tơring čar pơpha nao pơ̆ gưl să ăt dưi djru sa wot mrô prăk dưm hăng 10 blan prăk blan (Ƀu hmâo wot mơnuih brơi nao mă bruă ƀơi hơdôm bôh phường gah plơi prong Đà Lạt, Phan Thiết hăng Gia Nghĩa hlâo adih pơmut hrŏm)./.
Viết bình luận