Mơguah lơ 11/8, ƀơi Ƀirô Khua pơ ala mơnuih ƀôn sang dêh čar, Jơnum min apăn bruă Khua pơ ala mơnuih ƀôn sang tal 48. Him lăng amăng 3 hrơi mă bruă, jơnum amra sem lăng, pơgôp hiăp hăng 17 boh tơhnal hăng sa, dua bruă pral tui tlôn. Hơdôm boh tơhnal anai amra mơ-it nao Ƀirô Khua pơ ala mơnuih ƀôn sang amăng Jơnum tal 10, jơnum rơnuč rơwang mă bruă, lăng glăi 5 thun ngă bruă hăng ngă atur brơi hơdôm bruă amăng rơwang tal 16. Him lăng, Kơnuk kơna amra mơ-it nao rơbêh 90 boh tơhnal amăng jơnum lok 10. Đĭ pơhiăp amăng mông pok pơhai jơnum, Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong, jơnum anai yôm phăn biă mă kiăng pơgôp hiăp hăng sem lăng tŭ yap mă yua amăng Jơnum lok  10 lĕ jơnum rơnuč rơwang ngă bruă tal 15.

Jơnum lok 10 amra lăng glăi rơwang ngă bruă mơng Khua pơ ala mơnuih ƀôn sang pơđut hĭ rơwang thun 2021-2026, sem lăng hơdôm bruă mă prap lui tal hơdor glăi hrơi plĕ hră ruah khua pơ ala mơnuih ƀôn sang lơ 6/1/2026. Hrŏm hăng anun, Jơnum min apăn bruă Khua pơ ala mơnuih ƀôn sang ăt pơčrông sai hăng pơgôp hiăp: Hơdră bruă phara tuh pơ alin man pơdong tơdron rơdêh por jar kmar Gia Bình; pơsit mrô anih anom jŭ yap kơnuk kơna amăng kual dong amăng anom bruă jĕ yap kơnuk kơna….sem lăng hră lăi pơthâo bruă ngă tui tơlơi rơkâo mơnuih ƀôn sang mơng Khua pơ ala mơnuih ƀôn sang dêh čar blan 7/2025.