Mơ̆ng lơ 16/11 truh ră anai, Jơlan prong 27C ƀuh 52 anih tơhlŏm, čơđang, 35 anih kơđông hlao. Tơring čar Khánh Hòa khŏm pơgăn hĭ jơlan đĭ hăng čư̆, pơhlom rơnuk rơnua, hăng brơi pơkra glăi ječ mơtăm. Ƀu kơnong jơlan 27C đôč ôh, hơjan ia dăo ngă kơđông lu glông jơlan mơ̆ng tơring čar Khánh Hòa, biă ñu lĕ jơlan prang hăng jơlan rơdêh treng. Prăk rơngiă yua jơlan răm rai năng ai 1.970 klai prăk.

Tơdơi kơ ia ruk đuăi, hơdôm boh tơring ba nao rơdêh, măi mok, mơnuih mă bruă či pơkra jơlan, pơƀut pơkra hơdôm anih pơčah, tơhlŏm ƀơi jơlan tơring čar hăng jơlan nao pơ să. Truh ră anai 28/29 glông jơlan pơčah hơmâo pơkra giong brơi rơdêh nao rai laih. Kơnong ƀơi jơlan 27C khŏm pơkra kaih yua jơlan hăng čư̆, hŭi rơhyưt, amuñ tơhlŏm, tơbor biă mă.