Anih brơi nao rai lĕ jơlan čư̆ čun čoe găn nao phường Xuân Trường - Đà Lạt, anih tơhlŏm kơtang amăng mlăm lơ 28/10. Bruă anai, ngă kơ hơdôm pluh rơbâo met khôi lŏn, boh pơtâo mơ̆ng ta luy hlŏm trun ƀơi jơlan, hơmâo nam čơđang pơđuai mơ̆ng kriang ƀơi lu anih năng ai 3.500m2, ngă hŭi rơhyưt biă mă kơ ană mơnuih hăng rơdêh nao rai, anun yơh tơring čar Lâm Đồng khŏm pơtrun hră tơlơi truh lŏn adai ngă ječ ameč.

Hăng rơdêh pơgiăng rơgao 5 tơn hăng rơdêh pơgiăng tuai rơgao 16 boh grê, hơdôm boh rơdêh kiăng ruah mă jơlan nao rai pơkŏn dong: mơ̆ng phường Xuân Trường - Đà Lạt truh nao pơ jơlan čư̆ Mimosa ƀudah Prenn, tơbiă nao pơ Jơlan 20. Anom apăn bruă jơlan glông ăt pơtă hlâo kơ neh met wa anăm nao rai đơi ôh mlăm, biă ñu lơ̆m hơjan prong ƀudah glăk hơmâo kơthul; kiăo tui tơlơi pơtô nao rai ƀơi jơlan amăng hrơi blan glăk ming pơkra anih tơhlŏm.