Truh ră anai, Jơnum min ruah khua tơring čar Dak Lăk hơmâo pơtrun laih Tơlơi phiăn ngă bruă; akŏ bruă pok pơhai ruah khua; Tơlơi pơtrun akŏ pơdong hơdôm grup ngă bruă: Grup prăp lui gơnam, Grup pôr pơthâo, iâu pơthưr, Grup Rơnuk rơnua hơđong kjăp hăng Ia jrao, Grup pơsir bruă tơgŭ kơđi, Grup djru bruă, Grup ngă bruă hơdeč; pơkra plang pôr pơhing điện tử mơ̆ng Jơnum min ruah khua tơring čar.

Khul git gai bruă ruah khua tơring čar Dak Lăk hơmâo pơphun Jơnum pok pơhai bruă ruah khua ƀơi anăp či sang bruă Ping gah tơring čar hăng mơ̆ng ataih ƀơi 102 boh să, phường hăng rơbêh 10.000 čô khua ngă bruă. Jơnum min pơ ala mơnuih ƀôn sang tơring čar pơphun pơtŏp bruă ruah khua kơ 48 boh să, phường gah Ngŏ Dak Lăk hăng 400 čô khua gum ngă. Jơnum min djŏp djuai ania mơnuih mơnam Việt Nam tơring čar prăp lui hơdôm tơlơi či ngă bruă hăng jơnum pơčrông sai tal 1 amăng lơ 8/12.

100% boh să, phường hơmâo lăi pơthâo tañ djŏp tơlơi bơdjơ̆ nao bruă ruah khua tui hăng tơlơi phiăn; ngă giong bruă prăp rơmet, ba tơbiă, kah pơpha mơnuih hơmâo tơbiă anăn ngă khua pơ ala mơnuih ƀôn sang gưl să hăng pơphun laih Jơnum pơčrông sai tal sa.