Amăng hrơi blan ječ ameč biă mă, djop puih kơđông tơhan hơmâo pơtum rơbêh 230 grup mơnuih thâo man pơdong pưk sang hăng 6000 čô khua mua, ling tơhan djru man pơdong glăi sang dŏ ƀơi djop tơring čar, ƀôn prong yap mơ̆ng Đà Nẵng truh pơ Khánh Hòa.

Ƀu hŭi kơ adai hyuh hyiăng ƀu găl ôh, lu puih kơđông tơhan ngă hrŏm tong ten hăng gong gai kơnuk kơna plơi pla tui hluai anŏ gêh găl pioh pơkra ming glăi hơbô̆ bruă man pơdong sang tui anŏ kiăng mơ̆ng pô sang, kah hăng pơđĭ atur sang, pơđĭ pơnăng, pok prong đơ đam sang dŏ. Lu sang bruă ling tơhan pơpha bruă mă klâo wơ̆t pơblih nao rai ƀu pơdơi ôh, hrơi mlam, djru ba ƀing man pơdong ngă bruă hneč mă djop mông, kiăng pơtrut bruă man pơdong sang djru mơnuih ƀôn sang ngă giong hlâo kơ hrơi ƀong têt ngă yang thun phrâo djuai ania.