Rơwang bruă 2025-2030, phường Plei Ku ba tơbiă tơhnal pơdŏng Ping gah hăng glông bruă Kơđi čar klă hiam, kơjăp kơtang, pơtlaih anô̆ dô̆ đôm, pok tơbiă ngăn rơnoh pơđĭ kyar, hrưn đĭ djơ̆ tui đĭ kyar 13,3% sa thun, măi mok – man pơdŏng hăng bruă blơi sĭ lĕ phun ñu pơđĭ kyar.

Pơhiăp črâo ba amăng mông Jơnum, ơi Nguyễn Trọng Nghĩa – Khua Grŭp pơtô bruă Ping gah hăng Pơtô ba mơnuih ƀôn sang dêh čar lăi rơđah: Rơkâo ƀing gih lăi pơthâo abih tơhnal gal bơhmu hăng anô̆ hmâo prong mơ̆ng tơring čar Gia Lai phrâo hăng mơ̆ng phường Plei Ku. Mơ̆ng anun pok tơbiă tơlơi čang rơmang pơplih phrâo, pơčeh phrâo, hrŏm hăng anun pơđĭ kyar kơjăp tui hơdră hmâo ba tơbiă amăng hră čih pơkra, pioh ngă hiưm hơpă pơjing Plei Ku jing phường phun, ngă gru hlâo mơ̆ng tơring čar Gia Lai, jing phường pơđĭ kyar mơtah, thâo rơgơi hăng hmâo lu gru hiam./.