Amăng mông mă bruă, pô pơ ala khua mua kông ti pơčruh ngăn pơkra rơdêh hăng sĭ mơdrô Vinfast hơmâo lăi pơthâo hăng grup hyu mă bruă laih dong kơ-iăng khua dêh čar ơi Nguyễn Hòa Bình hơdôm tơlơi dưi amăng thun 2025. Tui jŭ yap truh abih blan 11, kông ti hơmâo sĭ 147.450 boh rơdêh pơđuăi hăng apui lơtrik, kơđŏm glăi tal blung a anăn apăn pơkra rơdêh anai dưi sĭ rơgao 100.000 boh rơdêh ôtô đuăi hăng apui lơtrik amăng 3 rơwang akŏ thun.

Vinfast ăt glăk gir run đĭ tui sĭ mơdrô amăng lŏn ia đĭ rơbêh 80% amăng thun 2026 hăng pok prong kơtang anih anom sĭ mơdrô amăng rŏng lŏn tơnah hăng hơdôm boh sang măi prap pok ƀơi India hăng Indonesia. Kơ-iăng Khua dêh čar lăi pơtong, kơnuk kơna amra tŏ tui gum hrŏm, ngă gêh gal brơi klă hruaih, jê̆ giăm hloh kiăng hơdôm anom bơwih ƀong sĭ mơdrô yua boh thâo phrâo anun lĕ Vinfast hăng Hateco dưi hrưn đĭ kơtang.