Hăng jơlan nao: Gum hrŏm hơbit – Tơpă ară – Ngă tui phiăn pơkă – Pơplih phrâo – Pơđĭ kyar, rơwang bruă 2025-2030 Jơnum ba tơbiă tơhnal pơkă lĕ: Pơdŏng Ping gah Sang hră pơtô bruă kơđi čar tâ̆o klă, kơjăp kơtang abih bang, gum hrŏm hơbit, ngă gru hlâo, tơpă, djơ̆ phiăn, pơplih phrâo, pơđĭ kyar, ngă giong prong hơdôm bruă jao truh thun 2030; git gai pơđĭ kyar Sang hră pơtô bruă kơđi čar jing gru ba jơlan hlâo gah pơtô pơhrăm, pơtô juăt mơnuih apăn bruă, anom bruă phun lŏn ia kơ kơsem min jơlan nao mơ̆ng Mác – Lênin hăng tơlơi pơmin Hồ Chí Minh.

Kiăng Ping gah Sang hră pơtô bruă kơđi čar git gai ngă giong klă hơdôm bruă jao amăng rơwang pơ̆ anăp, Khua git gai Ping gah hơdôm ƀirô Ping gah dêh čar ơi Trần Cẩm Tú rơkâo: Đing nao pơdŏng dong Ping gah Sang hră sit nik klă hiam, kơjăp kơtang, jing Ping gah mơbruă, ngă gru amăng Ping gah hơdôm bôh ƀirô Ping gah dêh čar; Bơwih brơi pơjing khul mơnuih apăn bruă, mă bruă čar, mơnuih ping gah, nai pơtô sit nik ba gru hlâo djop bruă, kơjăp bruă pơblang, kơjăp gah bruă pô mă, djơ̆ hăng bôh nik hmâo, dưi mă bruă amăng jơlan mut hrŏm hăng jar kơmar./.