Lu čơđai ƀơi Dak Lak hơmâo puang mrô 10 amăng tal pơplông abih anih 12 thun 2025
Thứ sáu, 08:00, 18/07/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Ding jum pơtô pơjuăt phrâo lăi pơthâo puang pơplông abih anih 12 thun 2025. Tui jŭ yap, Dak Lak lĕ sa amăng 10 boh tơring čar hơmâo lu puang mrô 10 gah tơlơi hrăm Toán đơ đam dêh čar hăng 14 čô čơđai.
Hrŏm hăng anun, ƀing čơđai sang hră Dak Lak ăt hơmâo lu puang amăng hơdôm tơlơi hrăm phara, amăng anun dong tal 3 hơdôm boh tơring čar hơmâo puang mrô 10 gah tơlơi hrăm Công nghệ-Công nghiệp hăng dong tal 10 gah tơlơi hrăm Angle hăng 3 čô čơđai pơplông puang lu hloh.
Ba gru anun lĕ amon Nguyễn Hoàng Nhật Minh, čơđai sang hră gưl II-gưl III Đông Du, hơmâo puang mrô 10 amăng tơlơi hrăm Toán hăng Angle. Amon Lê Minh Hiếu, ăt ƀơi sang hră Đông Du mơn, hơmâo puang mrô 10 gah tơlơi hrăm Hoá Học hăng Sinh Học. Amon Nguyễn Thị Thanh Huyền, sang hră gưl III Lê Hữu Trác, să Quảng Phú, hơmâo puang mrô 10 gah tơlơi hrăm Lịch Sử hăng Địa Lý…
Viết bình luận