Tui hăng akŏ bruă, mơguah lơ 19/8, tơring čar Gia Lai pơphun man pơdong ring bruă jơlan pioh rơdêh por plĕ trun mrô 2 hăng lu ring bruă pơkŏn ƀơi tơdron rơdêh por Phù Cát. Ring bruă anai hơmâo rơnoh prăk tuh pơ alin 3.200 klai prăk, ngă tui mơ̆ng thun 2025 truh abih thun 2028 kiăng pok prong anih rơdêh por đĭ trun, pioh kơ djuai rơdêh por phrâo, djru pơtrut tơlơi bơwih ƀong huă mơnuih mơnam amăng kual.

Hrơi anun mơ̆n, tơring čar Gia Lai amra ba yua jơlan weh gah dơnung tơring či tơring kual Phú Phong hlâo adih, ră anai să Tây Sơn glông ataih 18 km, rơnoh prăk tuh pơ alin 800 klai, pơphun čuk pơkra mơ̆ng blan 8/2022; mă yua jơlan pơtruh nao rai hăng jơlan tơring čar mrô 638 truh pơ hang ia rơsĭ  (ĐT.639), glông ataih 19 km, rơnoh prăk tuh pơ alin 800 klai. Dua kơčăo bruă anai djru ngă hluai ƀiă jơlan mrô 19, pơhrŏ ƀiă mông pơdŭ pơgiăng nao rai, pơtruh hăng lu arăt jơlan amăng kual, pioh pơđĭ kyar ba tuai hyu ngui; laih dơ̆ng djru hrŏm pơgang sang anŏ, kông ngăn mơnuih ƀôn sang amăng bơyan hơjan hlim rơbŭ kơthel.