Khua dêh čar ta ơi Phạm Minh Chính tŭ jum Khua ngă rah Khua git gai Grŭp Qualcomm (Mi)
Thứ tư, 10:15, 13/08/2025
VOV/Siu H' Prăk pơblang
VOV/Siu H' Prăk pơblang
VOV.Jarai - Čơtlăm tom brơi (12/8), ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính tŭ jum ơi Cristiano Amon, Khua ngă rah Khua phun akha git gai Grŭp Qualcomm dêh čar Mi hăng grŭp hyu mă bruă mơ̆ng Grŭp rai pơ̆ Việt Nam.
Amăng mông tŭ jum, Khua dêh čar đăo kơnang hăng tơlơi găn rơgao gum hrŏm mơ̆ng Qualcomm hăng Việt Nam hơdôm hrơi rơgao, dua bơnah amra ba glăi lu bôh than truh kih hloh yua kơ anom mă yua dăng kông, jơlan nao rai, apui lơtrik mơ̆ng Việt Nam hmâo pơđĭ kyar kơtang. Việt Nam glăk pơsit pran jua, pơplih phrâo khut khăt; pơplih phrâo tơlơi pơmin, lăng yôm hrơi mông, bôh thâo ia rơgơi, pơsit djơ̆ hrơi mông.
Hăng tơlơi gum hrŏm mơ̆ng Qualcomm, Khua dêh čar đăo kơnang hơdôm grŭp kah hăng VNPT, Viettel, Vingroup amra pơđĭ kyar hơdôm anom kơsem min hăng pơđĭ kyar, anom pơphun bruă pơčeh phrâo. Čang rơmang Qualcomm mă yua anô̆ gal mơ̆ng Việt Nam, djru Việt Nam pơđĭ kyar hơdôm gơnong bruă mă yua măi mok yôm./.
Viết bình luận