Brơi thâo Việt Nam kiăng hơmâo rơnoh đĭ kyar 8,3-8,5% amăng thun anai, hăng 2 mrô amăng hơdôm thun pơ anăp, Khua dêh čar ơi Phạm Minh Chính kiăng hơdôm anom bơwih ƀong mă yua tơlơi gêh gal dŏ prong mơ̆ng tơlơi rô nao rai bơwih ƀong, sĭ mơdrô, tuh pơ alin dua bơnah; djru ba Việt Nam dưi blơi glăi ngăn pơčruh tuh pơ alin, prăk tuh pơ alin bơdjơ̆ nao ayuh hyiăng anih hơdip hiam; pơtrut pơkra čip hrĕ apui añĕ, apui lơtrik pơkra phrâo, hydrogen, ngă hmua hăng boh thâo phrâo, kleng keh, anih anom sang măi pơkra apui lơtrik.

Khua dêh čar ơi Phạm Minh Chính kiăng hơdôm anom bơwih ƀong Japan djru Anom bơwih ƀong Việt Nam mut hrŏm bruă pơkra gơnam mơ̆ng hơdôm anom bơwih ƀong Japan, laih dong djru jao glăi boh thâo măi mok, pơđĭ tui mơnuih mă bruă rơgơi, kjăp bruă, wai lăng rơgơi./.