Hăng akŏ bruă “Pơblih phrâo hơdră git gai wai lăng, pơđĭ tui pran jua thâo gum pơgôp, tơlơi gơgrong, glăm ba, nao hlâo; akŏ pơdong ping gah amăng sang bruă kơnuk kơna ơ̆m tơring čar tơpă, rơgoh, kơjăp kơtang”, Jơnum ruah khua ping gah rơwang bruă 2025-2030, Ping gah pơkă tơhnal bruă pơtrun ngă tui tŭ yua djop hră pơtrun yom mơ̆ng Ding jum kơđi čar.

Jơnum anai hơmâo pơsit hră pơtrun mơ̆ng Khul apăn bruă phun ping gah tơring čar Gia Lai, ruah ding kơna Khul apăn bruă ping gah djop sang bruă mơ̆ng Ping gah tơring čar rơwang bruă thun 2025-2030 hơmâo 17 čô; Khul apăn bruă phun ping gah djop sang bruă kơnuk kơna mơ̆ng ping gah tơring čar rơwang bruă phrâo 2025-2030 hơmâo 9 čô ngă ding kơna. Ơi Rahlan Chung Kơ-iăng khua git gai ping gah tơring čar, Khua Khul pơ ala mơnuih ƀôn sang tơring čar ngă Khua git gai ping gah djop sang bruă kơnuk kơna amăng anom bruă ping gah đơ đam tơring čar wai lăng rơwang bruă thun 2025-2030.