Rơwang bruă rơgao, Ping gah kông ang tơring čar Dak Lak ƀu pơdơi pơplih phrâo jơlan gah git gai, črâo ba, ngă tui djơ̆ hăng hloh kơ hơdôm tơhnal ba tơbiă, bruă jao. Mơng anun, pơphlôm klă tơlơi rơnuk rơnua hơđong, pơhlôm abih bang mơnuih mơnam đơ đam tơring čar. Kông ang tơring čar Dak lak hmâo ngă tui ba glăi bôh tơhnal Akô̆ bruă 6 pơjing anih pioh mrô lŏn ia kơ anih mơnuih ƀôn sang dô̆, pơsit căn cước công dân hlă čip ba glăi bôh tơhnal prong; ba jơlan hlâo gum hrŏm pok pơhai Jơlan hơdră lŏm lui sang tơ̆i, sang pơdŏng mă jăng jai; abih bang khul grŭp ping gah ngă djơ̆ klă, kơjăp kơtang.

Thiếu tướng Phan Thanh Tám, Khua git gai Ping gah, Khua Kông ang tơring čar Dak Lak brơi thâo, tơdơi kơ jơnum, abih bang khul amra đing nao hơdôm bruă jao phun, pioh ngă tui ba glăi bôh tơhnal Tơlơi pơtrun pơsit Jơnum hmâo ba tơbiă. Tô̆ tui djă kơjăp tơlơi rơnuk rơnua, hơđong amăng djop bruă, pơdŏng khul Kông ang Dak Lak klă hiam, kơjăp kơtang abih bang, hơdeč hmar, rơnuk anai, giăm mơnuih ƀôn sang hăng pơpŭ mơnuih ƀôn sang./.