Tơdơi kơ pơmut hrŏm, tơring čar Gia Lai glăk bŏng glăi hăng lu tơlơi tơnap amăng bruă ia yua kơ đang hmua lơm hmâo akô̆ ia lu samơ̆ bôh tŭ yua mă yua akă djơ̆ hăng tơlơi čang rơmang. Tui hăng Ping gah tơring čar Gia Lai, anih anom ƀơi Bình Định hơđăp hmâo glông dơnao, hnoh ia ha amăng plĕ, dưi gơgrong hlâo yua kơ 95% mrô đang hmua.

Bơ̆ ƀơi Gia Lai hơđăp, khă hmâo anô̆ gal prong gah bruă đang hmua - đang kyâo, samơ̆ kơnong kơ dưi yua kơ 68.000 ektar, dưm dưm hăng năng ai ñu 14% kual lŏn. Ping gah tơring čar Gia Lai pơsit, bruă tañ pơtlaih anô̆ gun kơ ia yua amra jing tơlơi phun pioh pơđĭ kyar đang hmua. Gơnong bruă đang hmua kiăng tañ pơphô brơi jơlan gah tuh pơplai ia yua, tơdah ngăn drăp amăng dêh čar ƀu djop lĕ amra čan prăk ODA pioh tuh pơplai./.