Bruă kơsem min boh thâo brơi ƀuh, hơbô̆ bruă pla plah kơphê hăng sầu riêng ƀơi Dak Lăk ba glăi prăk kơmlai năng ai 800 klăk/ha, pla plah mắc ca hơmâo giăm 400 klăk/ha, prăk ba glăi lu hơdôm wơ̆t pơhmu hăng pla kơnong kơphê pơhrui hơmâo 80 klăk đôč/ha. Mah hnun, bruă pla plah anai ăt hơmâo lu tơlơi ngă tơnap mơn, yua dah phun ñu bơrơsua hrip mă ia hiam amăng lŏn kơtang hloh mơn, kơƀah ia hăng amuñ hơmâo hlăt kman.

Ƀơi mông jơnum ră ruai, Sang bruă kơsem min boh thâo pơƀuh măi prui Israel pơkrem ia, thâo krăn mơnŏng hiam amăng lŏn hơdôm pă, mă yua mrô QR thâo ƀuh anih pla hăng măi pơpoh boh sầu riêng kiăng thâo krăn tơsă hă aka, đah mơ̆ng ngă bruă tŭ yua hăng plai ƀiă rơngiă prăk lơ̆m ngă hmua pla pơjing./.