Tal pơplông anai pơhưč lu mơnuih ngă hrŏm mơ̆ng 41 grup djop tơring čar, ƀôn prong kah hăng: Sơn La, Quảng Trị, Dak Lak, Lâm Đồng, Hà Nội hăng ƀôn prong Hồ Chí Minh.

Găn rơgao tal ruah, hơmâo 8 grup pơplông tŭ yua hloh mut ruah tal rơnuč či apah bơni, hơmâo lăi pơthâo lu hơdră pla kơphê, pơgang tơlơi mơtah mơda, pơhrŏ anŏ dơluh đĭ ngă sat kơ ayuh hyiăng, pơgang anih hơdip jum dar hăng pơđĭ rơnoh sĭ mơdrô kơ anom bruă kơphê pơlir hơbit. Hơdôm grup pơplông hơmâo pơdah thâo bruă ngă pơblih phrâo kơtang biă mă, djru hrŏm pơtrut bruă mă pơblih phrâo pơgang anŏ mơtah mơda hăng pơđĭ kyả hơđong kọăp bruă kơphê Việt Nam amăng rơnuk pơblih sat ayuh hyiăng jai hrơi kơtang.