VOV.Jarai - Mơ̆ng bruă mơneč mă yua djah djâo pơđăm bơbrŭ či ngă hơbâo pruai, pơkra rai hơbâo sinh học, truh kơ bruă mă yua hơbâo jrao hoá học, lu mơnuih ngă hmua ƀơi Dak Lăk glăk pơplih laih hơdră ngă hmua, pơgang ba lŏn pla, plai ƀiă huač prăk, laih anun phun pla mơboh lu, anăp nao ngă hmua mơtah, mă mơ̆ng djah djâo hla kyâo brŭ pioh ngă hơbâo pruai, laih anun hơđong kjăp.

VOV.Jarai - Ƀơi Lâm Đồng, Sang bruă pơsur ngă hmua dêh čar ngă hrŏm hăng Gơnong bruă ngă hmua hăng ayuh hyiăng tơring čar jơnum kơ bruă wai lăng, bong kjăp gru mrô anih pla, anih anung gơnam ba sĭ laih anun hơdră pơđĭ tui anŏ klă, pok prong anih sĭ mơdrô gơnam mơ̆ng đang hmua pơ tač rơngiao.

VOV.Jarai-Tlam kơnôl 14/10, Kơ-iăng Khua git gai pơ ala mơnuih ƀôn sang dêh čar Nguyễn Hồng Diên hrŏm hăng ƀing Khua pơ ala mơnuih ƀon sang tơring čar Gia Lai bưp mơnuih ƀôn sang ruah khua ƀơi să Phú Thiện.

VOV.Jarai-Amăng 9 blan rơgao, rơnoh sĭ mơdrô gơnam đang hmua, kyâo pơtâo, akan hơdang pơ tač rơngiao mơng tơring čar Dak Lak truh rơbêh 2,3 klai đôlar Mi, đĭ rơbêh 6% pơhmu tui tơđar thun hlâo.

VOV.Jarai-Nua sĭ asar tiu krô ră anai hlăk pơmă anun yơh, lu mơnuih ngă hmua ƀơi Gia Lai hlăk pok prong đơ đam ngă hmua pla tiu. Samơ̆ hlâo kơ pla, tơlơi mơnuih ngă hmua đing nao lĕ, hơduah hrĕ pơjeh tiu hiam, tŭ yua, rơđah phun tơdŭ. Lơ̆m tong krah lu anih anom pla tiu pơjeh pioh sĭ mơdrô lu đơi, lăi pơthâo mơ̆ng sang bruă kơsem min pơjeh phun pla, ngă hmua arăng pơdă pioh sĭ ter jơlan, mơnuih ngă hmua amra ruah mă pơjeh hiư̆m pă kiăng djơ̆ pơjeh hiam, tŭ yua.

VOV.Jarai - Pơklaih brơi anŏ tơnap amăng bruă ba sĭ boh sâu riêng pơ tač rơngiao jing tơlơi akŏ phun hơmâo lăi nao amăng Jơlan hơdră “Kơphê mơnuih ngă bruă mơdrô” tal 7, yua tơring čar Dak Lăk pơphun. Hơdôm tơlơi pơgôp hiăp pơƀut kơ bruă wai lăng gru mrô anih pla, pơtruh nao rai ba sĭ gơnam laih anun tuh pơ alin blơi măi mok pơkra gơnam tam, đah mơ̆ng pơđĭ nua boh sâu riêng.

VOV.Jarai-Ƀơi phương Pleiku, Jơnum min mơnuih ƀon sang tơring čar Gia Lai hăng grup Muyuan (Khač) hơmâo mông mă bruă kiăng kơ tuh pơ alin pơkra drông war yua boh thâo phrâo

VOV.Jarai-Bruă ngă hmua pla boh sầu riêng (durian) hlăk pok brơi jơlan gah anăp pơđĭ kyar phâo kơ mơnuih ƀôn sang lu să kual giăm guai dêh čar gah yŭ tơring čar Quảng Ngãi. Ƀu kơnong pok prong đơ đam pla đôč ôh, lu să, plơi pla pơtô brơi ană plơi pla, anăp či ngă bruă pla boh durian, čih anăn gru kơnăl mrô pơčrâo anih pla, lir hơbit hăng sang bruă mơdrô, kiăng pơđĭ tui rơnoh gơnam đang hmua, pơsir tơlơi bơwih ƀong huă hơđong kơjăp.

VOV.Jarai- Bruă ngă hmua pla pơjing, rah pơtem pơdai hmua ia ƀơi Dak Lak hlăk brơi ƀuh, anăp ngă phrâo či pơhrŏ ƀiă anŏ ngă dơluh đĭ asăp amăng adai rơngit laih anun pơhrŏ rơnoh prăk blơi gơnam yua ngă hmua, kơnang kơ bruă pơhrŏ rơnoh blơi pơjeh, blơi hơbâo pruai, ia jrao hlăt mač kman, pơgang phun pla; ba yua thâo pơkrem hăng ƀu čuh lui ôh adrăng pơdai, djah djâo asuk ruk rơ̆k krô pioh pơbrŭ pơjing kmơ̆k. Ƀơi să Hòa Phú, tơring čar Dak Lak, hơbô̆ bruă ngă hmua pơdai ia pơgăn ngă bơtơbiă asăp amăng adai rơngit dưi pok pơhai ngă tui ƀơi 24 hektar hmua, anih rah anah pơjeh phun pla Hoà Xuân. Anŏ lăp đing nao lĕ hơbô̆ bruă anai ƀu djơ̆ pơhrua nao lu črăn amăng bruă ngă hmua pla pơjing ôh, dŏ pơblih tơlơi pơmin, bruă mă ba yua gơnam blơi pơmut djru kơ bruă ngă hmua hơdjă rơgoh.

VOV.Jarai - Việt Nam glăk hơmâo kual pla kơphê prong biă, hăng rơbêh 720.000 ha, amăng anun hơmâo năng ai 95% lĕ kơphê Robusta. Bơyan kơphê laih rơgao, ba sĭ pơ tač rơngiao rơbêh kơ 1,5 klăk tơn, prăk pơhrui rơbêh 8,4 klai USD. Khă hnun, kual pla hăng pơjeh kơphê pơhrui glăi aka ƀu djơ̆ hăng nua kiăng ôh, lơ̆m pơjeh kơphê Robusta aka ƀu hiam đơi ôh. Sa amăng hơdôm tơlơi tơnap anun lĕ bruă rông phun pla, pơhrua mơnong ngă hiam kơ phun pla aka ƀu djơ̆ lăp.