Sit biă ñu hơmâo: anih wai pơgang Bình Đê rôk jơlan mrô 1 (phường Hoài Nhơn Bắc); anih wai pơgang Song An rôk jơlan mrô 19 (să Cửu An); anih wai pơgang Ia Khươl rôk jơlan mrô 14 (să Ia Khươl) hăng anih wai pơgang kman Ia Le rôk jơlan mrô 14 (să Ia Le), hơdôm anih wai pơgang anai amra mă bruă tơhrơi kah hăng mlăm. Ƀơi rĭm anih wai pơgang, hơdôm anom bruă bơdjơ̆ nao arăng jao ngă bruă pơplih nao rai, hơmâo tơlơi mut hrŏm mơng gơnong bruă wai lăng bruă rông-pơjrao hlô mơnong hăng tơhan wai lăng jơlan glông.

Anom bruă wai lăng sĭ mơdrô amra pơkiăo nao ngă bruă tơdah hơmâo tơlơi rơkâo tong ten. Anih wai pơgang amra pơphun pel ĕp kjăp bruă pơdŭ pơgiăng hlô mơnong hăng gơnam pơkra mơng hlô mơnong mut nao tơring čar. Hlơi pô ngă soh amăng pơsir khut khăt tui tơlơi pơkă amăng tơlơi phiăn. Hrŏm hăng anun, bruă pruih ia jrao pơgang kman brơi rơdêh pơdŭ pơgiăng găn nao hơmâo pơphun na nao, kiăng pơdjai kman, huăi ngă lar hyu pơkŏn dong.