Amăng mông bưp, djop bơnah hơmâo pơlăi nao rai kơ jơlan gah ngă hrŏm kiăng pok prong sĭ mơdrô tui glông phun, hơmâo lu dong anih blơi mut hrŏm hăng dêh čar Khač. Khul sầu riêng Dak Lak ăt ba tơbiă sa, dua tơlơi rơkâo ngă hrŏm, amăng anun hơmâo: pơtrut kĭ pơkôl sui thun, hơđong plih hĭ sĭ mơdrô pơkôl ƀiă hrơi tui bơyan pĕ pơhrui; pơsur hơdôm anom bơwih ƀong sĭ mơdrô Khač tuh pơ alin nao pơ anih dưm rơ-ơ̆, logistics hăng pơkra klă ƀiă dong ƀơi ƀon lan; pok prong ngă hrŏm amăng pơtô mơnuih mă bruă, črâo brơi boh thâo hăng tơlơi găn rơgao amăng wai lăng gơnam klă hloh.

Dak Lak ră anai hơmâo giăm 40.000 ektar đang pla sầu riêng, pĕ pơhrui thun 2025 him lăng giăm 400.000 tơ̆n. Tơring čar hơmâo gah dêh čar Khač tŭ yap 269 mrô kual pla hăng giăm 7.400 ektar; 40 anih anung gơnam mơtah hăng 11 anih dưm rơ-ơ̆ pioh sĭ mơdrô pơ tač rơngiao.