Amăng hơdôm hrơi anai, lơm mơguah ƀơi tơdrun ia rơsĭ Phan Thiết, phường Phan Thiết, tơring čar Lâm Đồng hmư̆ dik dak lơm lu ƀattô mă akan glăi pơ hang. Rĭm hrơi tơdrun čơkă mă hơdôm rơpluh tơ̆n akan, lu hloh lĕ akan tuk. Samơ̆ sĭ ăt ƀu đĭ nua, nua sĭ ƀơi tơdrun mơng 10-15 rơbâo prăk sa kĭ samơ̆ yua hyu mă hơmâo anun neh met wa ăt pơhrui hơđong mơn.

Mơng akŏ thun truh ră anai, tơdrun mă akan hơdang Phan Thiết hơmâo čơkă mă rơbêh 15.000 tơ̆n akan arăng hyu mă amăng kual ia rơsĭ ataih mơng hang mơng 15 truh 20 hải lý. Prăk pơhrui glăi mơng akan djru brơi neh met wa yua amăng tơlơi hơdip, pơwot glăi tuh pơ alin bơwih ƀong, pơtrut pran hyu mă akan hơdang lu ƀiă dong, pơhlôm hơđong anih mă akan tui hơđăp.