VOV.Jarai-Ƀơi kual lŏn rơga khăng khăi să Ia Hrŭ, tơring čar Gia Lai, rơbêh 1000 boh sang anŏ mơnuih ƀôn sang, lu kơ Jarai hơbai soh, khin pơblih pơjeh phun pla, lui hĭ pla kơtor, hơbơi plum, rơtă jing pla tơbâo. Tơbâo koh lu hloh, rơnoh sĭ yom ƀiă djru tơlơi hơdip mơda lu sang anŏ đĭ đăi gŏ amŏ, pơklaih mơ̆ng ƀun rin, dưi man pơdong sang prong, blơi rơdêh đĭ. Gong gai kơnuk kơna hăng sang bruă mơdrô ăt ngă hrŏm kiăng bruă pla tơbâo jing hơdră bơwih ƀong huă hơđong kơjăp kơ mơnuih ƀôn sang ƀơi kual lŏn khăng khăi anai.

VOV.Jarai - Amăng hrơi mông pơplih hơbô̆ bruă đĭ rơnoh bơwih ƀong hăng mut hrŏm dêh čar kơ pơčeh phrâo, rơwang thun 2021-2025, tơring čar Lâm Đồng hơmâo pok pơhai lu jơlan hơdră, akŏ bruă, tơlơi pơtrun kiăng bang hyu kơtang pran jua bơwih ƀong pơčeh phrâo amăng abih bang mơnuih tơpuôl.

VOV.Jarai-Hơdôm thun giăm anai, bruă mă yua măi mok phrâo pơđĭ kyar kơtang ngă tơlơi hơdip pơplih tui ƀơƀrư̆ djop mơta. Amăng ngă hmua, lu mơnuih ngă hmua hơmâo khin hơtai ba rơdêh por ƀu hơmâo mơnuih mơgăt (drone) amăng bruă bơwih brơi phun pla hăng brơi ƀuh boh tŭ yua tong ten. Gơnong bruă bơdjơ̆ nao ăt glăk gum hrŏm, ngă gêh gal kơ hră pơ-ar hăng pơjing hơdră pơsur pơkra, mă yua lu hơdôm măi mok phrâo anai.

VOV.Jarai-Boh tơhnal kơsem min ia rơgơi phrâo amăng bruă pruih ia rơgơi, pơkrem ia kơ phun pla hmua đang, jing boh yom phun amăng mông jơnum pơčrong sai ngă hmua rơgơi, bong glăi hăng anŏ pơblih ayuh hyiăng lŏn tơnah laih anun pơhlom djop mơnong ƀong huă amăng kual Dơnung Tong krah hăng Dap Kơdư pơphun lơ 29/12 bơi Dak Lak.

VOV.Jarai-Khua git gai ping gah ơi Tô Lâm pơtrun hiăp abih bang amăng ping gah, amăng glông bruă kơđi čar ăt gir run hloh “ƀu lui kơ hlơi dŏ glăi gah klôn ôh”, pok prong anih anom pơđĭ kyar kơ lŏn ia.

VOV.Jarai-Dak Lak lĕ tơring čar hơmâo đơ đam pla kơphê prong hloh amăng dêh čar truh 210.000 ha, bơyan pĕ kơphê thun 2025-2026 rơnoh pơhrui glăi him lăng 570.000 tơn, prăk pơhrui glăi 54.000 klai prăk. Bơyan pĕ kơphê thun 2025-2026 anai, hơjan sui hrơi ngă kơ lu bruă pĕ pơhrui ƀhu kơphê bưp tơlơi tơnap tap, tơdron ƀhu kơphê lan sang kah hăng hlâo ƀu tŭ yua ôh. Lơ̆m anun, lu sang ƀhu pơhang kơphê asăt mă bruă tŭ yua ba glăi boh tơhnal lu biă mă, djru kơ sang anŏ mơnuih ngă hmua hăng pô sang apah ƀhu kơphê pơhrui glăi prăk kăk lu, laih dơ̆ng pơhlom brơi asar kơphê hiam hloh pioh sĭ mơdrô pơ tač rơngiao.

VOV.Jarai - Truh mông anai, hmua pơdai Tuy Hòa - anih ngă pơdai prong hloh kual Ngŏ tơring čar Dak Lăk (hlâo adih lĕ tơring čar Phú Yên), ăt aka ƀu dưi ngă hmua tui rim thun ôh. Ia dăo trun laih, samơ̆ anŏ rơngiă, răm rai bơnư̆, amăng bưng pơđoh ia, hmua pơdai hăng pơjeh pơdai jing ngă kơ hơdôm rơbâo boh sang anŏ aka ƀu dưi rah pơtĕm ôh amăng bơyan Puih phang anai.

VOV.Jarai - Lơ 23/12, ƀơi Dak Lăk, Anom bruă pơsur ngă hmua dêh čar pơphun jơnum pơčrông “Bruă mă pơsur ngă hmua amăng plơi pla tui hơbô̆ bruă gong gai dua gưl”.

VOV.Jarai - Kơthel tal 13, hrŏm hăng ia dăo kơtang tơdơi kơ anun, ngă răm rai kơtang biă kơ hơdôm rơbâo boh sang anŏ rông akan hơdang ƀơi hơdôm boh plơi ter hang ia rơsĭ mơ̆ng Dak Lăk. Mah glăk bưp lu tơlơi tơnap prong biă, samơ̆ neh met wa ăt gir pơkra, pơdong glăi gruh, dơnao rông akan hơdang, ngă agaih hơdjă dơnao, prăp lui djuai akan hơdang či phai amăng dơnao, pơphun  glăi bơyan rông phrâo dong.

VOV.Jarai - Hơdôm boh tơring čar kual Dap Kơdư glăk truh bơyan pĕ kơphê bơyan 2025-2026. Ƀơi hơdôm boh să gah Yŭ Dơnung tơring čar Lâm Đồng (hlâo adih lĕ tơring glông Dak Rlấp, Dak Song, Dak Mil, Tuy Đức hăng Čư̆ Jut tơring čar Dak Nông hơđăp), hơdôm rơtuh rơbâo tơn kơphê hơmâo neh wa pĕ laih. Hơdôm boh rơdêh kông nông đuăi rơrui ƀơi jơlan, tô tlôn mơtăm yơh amăng bơyan pĕ kơphê, tui anun amuñ hơmâo tơlơi truh biă mơn. Anom apăn bruă glăk hrŏm hăng mơnuih ƀôn sang pơtô brơi hơdră ngă hơđong rơnuk rơnua laih anun pơhlom brơi neh wa sa bơyan pĕ kơphê rơnuk rơnua.