VOV.Jarai-Lơ 25/3, ƀơi tơring čar Dak Lak, Ding jum ngă hmua hăng ayuh hyiăng pơphun “Jơnum pơtop hrăm pok pơhaim mă yua lăng gơnam pơƀuh anih pla sầu riêng ƀơi kual Dap kơdư”.

VOV.Jarai - Tlam lơ 24/3, ƀơi ƀôn prong Cần Thơ, Ding jum tuh tia pơkra gơnam ngă hrŏm hăng Jơnum min mơnuih ƀôn sang ƀôn prong Cần Thơ pơphun Jơnum pơtrut ba sĭ braih pơ čar rơngiao thun 2026.

VOV.Jarai - Ƀơi glai rưng pơ guai gah Yŭ tơring čar Quảng Ngãi, tơhan hyu tir ăt mă bruă kret kruai găn čư̆ trun ia rim hrơi. Mơ̆ng ană plơi pơ hơdôm grup wai lăng glai truh kơ tơhan pơgang glai mơ̆ng Đang glai dêh čar Čư̆ Mom Ray, abih bang gir run bong glai, djă pioh anih či bơwih ƀong hăng bong kjăp djŏp mơta ra mơnŏng yom, hin mơ̆ng glai rưng.

VOV.Jarai-Jơnum min mơnuih ƀôn sang tơring čar Gia Lai phrâo Ngă hră Pơtrun brơi pơblih hơdră yua lŏn rơbêh 3,16 hektar lŏn glai ƀơi să Ia Mơr pioh ngă hmua ia, mơ̆ng kơčăo bruă bơnư̆ pơkong ia ngă lu hnoh čơƀeng ƀơi Ia Mơr.

VOV.Jarai-Ơi Đỗ Hữu Huy, Kơ-iăng khua ping gah tơring čar, Kơ-iăng khua git gai Khul Pơblih pơčeh phrâo hăng Ba yua ia rơgơi mrô tơring čar Dak Lak hrŏm hăng Khul Boh Durian tơring čar Dak Lak hăng lu mơnuih rơgơi kơhnâo amăng tơring čar nao sem lăng đang hmua pla boh durian (Sầu riêng) bơyan phang blung a ƀơi tơring čar; ngă bruă hăng Khul Boh Durian kơ anăp pơblih phrâo, pơđĭ kyar gah anom bruă anai hơmâo anŏ gêh găl prong ƀơi tơring čar.

VOV.Jarai - Kơ-iăng khua ping gah tơring čar Dak Lăk ơi Đỗ Hữu Huy, Kơ-iăng khua khul git gai Pơplih pơčeh phrâo hăng Mă yua boh thâo mrô tơring čar, phrâo hrŏm hăng Khul ngă sâu riêng Dak Lăk hăng ƀing kơhnâo kơhnăk sem lăng hơbô̆ bruă pơkra sâu riêng rơgao bơyan blung a ƀơi anai.

VOV.Jarai-Bơyan ngă tơbâo thun 2025-2026 ƀơi Gia Lai-kual pla tơbâo prong hloh kual Tong krah-Dăp kơdư glăk koh pơhrui ƀiă abih laih hăng pran jua hur har mơ-ak mơng mơnuih ngă hmua. Thun anai sĭ nua hơđong 1 klăk prăk/tơ̆n, lơm prăk tuh pơ alin hrŏ hăng pơhrui jai đĭ tui yua hơbô̆ bruă pơlir hơbit jai kjăp tui kơplah wah sang măi hăng mơnuih ngă hmua.

VOV.Jarai - Tơdơi kơ hơdôm hrơi dik dak čơkă bơyan bơnga, têt tom găn rơgao plơi bơnga dar Hàm Hiệp, phương Bình Thuận, Lâm Đồng. Hăng neh met wa pla bơnga dar pơ anai, rim bơyan bơnga đah, čuh blang, ƀu kơnong pơthâo thun phrâo truh đôč ôh ăt jing tơlơi pơtum jơngum giong anun pơčlah dong, pơƀuh tơlơi čang rơmang hăng ƀuăn lui kơ bơyan bơnga thun tơdơi mơak hloh.

VOV.Jarai - Tơdơi kơ jơnum ruah khua Ping gah dêh čar tal 14 tŭ yua, truh kih, Ping gah hăng Kơnuk kơna hơmâo dong mơn jơlan hơdră, tuh pơ alin kơtang hloh pơ kual plơi pla djuai ania ƀiă, djru neh met wa hrŏm hăng đơ đam dêh čar kjăp tơkai hơyak đĭ amăng rơnuk đĭ kyar phrâo, rơnuk hrưn đĭ mơ̆ng djuai ania ta. Laih anun amăng bơyan phang anai, mơnuih ƀôn sang djop djuai ania amăng kual Dap Kơdư ta ăt pơdah rai bruă mă pran jua gir run hloh pioh pơjing tơơi čang rơmang, tơlơi kiăng mơ̆ng ƀing ta sit nik, akŏ pơdong tơlơi hơdip mơda trơi pơđao yâo mơak kơñ pơgi ni anăp.

VOV.Jarai-Hơdôm hrơi akŏ bơyan bơnga, amăng hơdôm kual pla kơphê amăng tơring čar Dak Lak anun lĕ Čư̆ M’gar, Krông Năng, Krông Buk ƀudah hơdôm kual pla boh troh, boh kruăi hrĕ, boh sầu riêng ƀơi Krông Pač, Ea Kar…bruă bơwih ƀong ngă hmua glăk pơphun ječ ameč, gơgrong hloh. Tơlơi phara ƀuh tong ten pơhmu hăng hlâo anun lĕ jai hrơi jai hơmâo lu mơnuih ngă hmua, anom bơwih ƀong hrŏm hơmâo khin hơtai tŭ mă hăng yua măi mok rơgơi amăng bruă wai lăng đang hmua, krăo lăng bruă pla pơjing hăng blơi pơhrui gơnam tam. Pơplih mrô mơng anih lĕ “Bruă ngă phrâo” ră anai jing jơlan gah bơwih ƀong tui juăt, pơgôp đĭ tui gơnam pơhrui, gơnam hiam hơdjă hăng pran bơkơtưn amăng ngă hmua ƀơi Dak Lak.