VOV4.Jarai - Hơdôm hrơi anai, mơnuih ngă đang hmua Dak Lak glăk pơphun pĕ kơphê. Kiăng pơhlôm klă mrô kơphê, pơlar kơphê kơjăp, lu mơnuih pla kơphê amăng tơring čar đing nao yôm bruă pĕ pơhrui, sa amăng hơdôm bôh than pơsit ƀơi anăp truh anô̆ klă hiam kơphê mơ̆ng tơring čar.

VOV4.Jarai - Ngă tui tơhnal gal, anô̆ hmâo hơđăp, hơdôm thun jê̆ hăng anai tơring čar Kon Tum pơtrut kơtang bruă pơlar phun jrao hăng pran pơsit ngă brơi tơring čar jing kual pla phun jrao phun mơ̆ng dêh čar hăng jing anom phun pla pơkra phun jrao prong mơ̆ng đơ đam dêh čar amăng thun 2025. Bôh nik brơi ƀuh hrŏm hăng hơdôm djuai phun pla pơkon, phun pla sui thun, kah hăng pơdai, hơbơi plum, kơphê... bruă pla phun jrao glăk djru mơnuih ƀôn sang Kon Tum hmâo dong prăk pơhrui glăi, tơlơi hơdip mơda jai hrơi jai drơi pơđao hloh. Khă hnun hai hăng bruă pok prong lŏn pla, laih anun bruă mă yua jơlan glông pla pơkra phun jrao akă ba glăi ha amăng plĕ, anun ngă kơman pơčrăm phun pla răm rai kơ mơnuih ngă đang hmua.

VOV4.Jarai-Jơnum min mơnuih ƀôn sang tơring čar Kon Tum hơmâo tơlơi pơtrun pơhrua akŏ bruă yua boh thâo phrâo gưl tơring čar, pơjing anih yua boh thâo phrâo hăng tơlơi sit nik kiăng čih anăn pok prong wai pơgang bruă črâo brơi anih pla “Ngọc Linh” hăng hơdôm gơnam mơng akha kyâo amăng tơring čar Kon Tum.

VOV4.Jarai - Tơlơi pơtrun pơsit mrô 09 mơ̆ng dêh čar yua kơ Grŭp mă bruă Ping gah tơring čar Gia Lai (tal XV) thun 2019 kơ pơgang hăng pơlar phun jrao ƀơi tơring čar Gia Lai truh thun 2025, pơsit jơlan gah truh thun 2030, ba tơbiă tơhnal wai lăng, mă yua kơjăp sui thun phun jrao amăng glai klô; pơjing hơdôm kual pla phun jrao nao hrŏm hăng anih anom pơkra jrao ƀơi tơring čar. Truh ră anai, hơdôm bôh tơhnal yak blung a ngă tui tơlơi pơtrun pơsit hmâo pok tơbiă jơlan pơđĭ kyar bơwih ƀong kơ mơnuih ƀôn sang Gia Lai mơ̆ng phun jrao.

VOV4.Jarai-Ba boh troh đang hmua pơdah thâo sĭ mơdrô amăng plang internet điện tử ră anai sa plang dơnong lăi pơthâo gơnam boh troh đang hmua yom biă mă, lu mơnuih ngă hmua ƀơi Dak Nông đing nao. Boh tơhnal ba pơdah sĭ mơdrô amăng plang điện tử sa tơlơi čang rơmang pơtrut bruă pơblih yua mrô amăng bruă pơdah thâo gơnam boh troh đang hmua ƀơi tơring čar anai. Mơ̆ng anun, kiăng djru pơblih tơlơi pơmin bruă ngă hmua hăng sĭ mơdrô đah mơ̆ng pơhrŏ ƀiă anŏ pleh ploh mơ̆ng bruă ngă hmua hăng pơtruh nao rai mơnuih blơi sĭ, pơđĭ tui boh tŭ yua lu amăng tơlơi bơwih ƀong huă.

VOV4.Jarai-Ră anai lu mơnuih ngă hmua ƀơi Dak Lak glăk phă hĭ sa, dua phun pla sui thun hơdai nao pla sầu riêng hăng tơlơi čang rơmang pơhrui glăi lu ƀiă dong. Bruă pơđĭ kyar tañ đơi phun sầu riêng amra ba glăi lu tơlơi lông ƀu djơ̆ kơnong hăng mơnuih pla đôč ôh mơ̆ ăt wŏt gơnong bruă sầu riêng dong.

VOV4.Jarai-Dak Lak lĕ tơring čar prong hloh amăng kual Dap kơdư hăng dong amăng 10 boh tơring čar, ƀôn prong hơmâo sang rông čim čăng črah prong hloh đơ đam dêh čar.

VOV4.Jarai - Čơtlăm tom brơi (12/11), Khua Gơnong bruă đang hmua hăng pơđĭ kyar ƀôn lan tơring čar Lâm Đồng brơi thâo, hmâo laih 330 bôh sang anô̆ tŭ ư hăng prăk pơ ala glăi anô̆ răm rai yua kơ rơmô ƀă tơlơi ruă hăng djai yua kơ tlâ̆o vaccine pơgang bơbrah klĭ khil khul Navet - LpVac mơng Sang bruă Navetco.

VOV4.Jarai - Ngă tui Tơlơi pơtrun pơsit Jơnum Ping gah tơring čar tal 16, rơwang bruă 2020-2025, 4 thun rơgao tơring čar Kon Tum pla phrâo hmâo giăm truh 18.000 ektar đang kyâo, hloh giăm truh 3.000 ektar tơlơi pơtrun pơsit ba tơbiă. Ƀu kơnong kơ hloh kơ tơhnal pơkă pla kyâo tañ hloh 1 blan, mơ̆ng bruă git gai, črâo ba mơ̆ng Ping gah tơring čar Kon Tum hmâo laih tơlơi pơplih amăng tơlơi pơmin, bruă ngă mơ̆ng hơdôm gưl, hơdôm gơnong bruă hăng mơnuih ƀôn sang kơ pơđĭ kyar bruă pla kyâo kơjăp phik.

VOV4.Jarai - “Anih hmâo lu sầu riêng Krông Pač, tơring čar Dak Lak amra đing nao pơjing dong anih anom kơ sầu riêng kơjăp phik hăng pơkă lăng hlâo thun 2025 amra pơhrui hmâo 7.500 klai prăk mơ̆ng bruă mă anai”.