VOV4.Jarai-Không phang pơ-iă hang bơdjơ̆ sat nao gơnong bruă ngă hmua amăng kual Dap kơdư. Samơ̆ pơmĭn glăi dong, bơyan không phang lĕ bơyan ba glăi tơlơi gal kơ gơnong bruă ngă hmua amăng kual. Djop phun pla anun lĕ kơphê, sầu riêng, tiu, boh ñông, mak ka…lêng glăi bluh than, bơnga, mơboh amăng bơyan phang anai. Jai pơ-iă hang boh troh jai jơman, tơdah pơhlôm brơi ia pruih, bơyan phang anai amra ba glăi anŏ yôm brơi kual Dap kơdư.

VOV4.Jarai - Bruă phang khot glăk kơtang ƀơi kual Dap Kơdư, lu đang kơphê krô apui ƀong, mơnuih ngă hmua rơngôt biă mă yua kơphê ƀu hiam lơ̆m nua glăk pơmă. Tơlơi kơđai glăi lĕ kual Dap Kơdư phang khot mah gah hlâo ia mơ̆ng 4 ia krông pơprong kah hăng: Sêrêpôk, Sê San, Đồng Nai hăng Ia krông Pa, hăng mrô ia rơbêh 50 klai m3/thun. Kual Dap Kơdư ăt hơmâo mrô ia hơjan rim thun truh kơ 100 klai m3. Ia lu samơ̆ yua hơget rim thun kual Dap Kơdư kơƀah ia soh? Phun ñu lĕ yua pơkă hơnong čuk pơkra tơdu, tuh pơ alin kơƀah, tơlơi pơmin sô hơđăp, ngă bruă phang khot ƀu thâo pơđut.

VOV4.Jarai-Mah hơmâo laih sa, dua wơ̆t hơjan akŏ bơyan, samơ̆ dŏ lu anih amăng tơring čar Kon Tum hơmâo glăi anŏ răm ƀăm phun pla hmua pơdai yua adai pơ-iă kơtang ngă, kơƀah ia pruih pơhrua hmao kru laih anun hŭi biă mă hơmâo tơlơi truh apui ƀong glai.

VOV4.Jarai-Nua kơphê đĭ kơtang hloh dong mơng hlâo anun ngă anah phun kơphê glăk kơƀah lu biă mă. Mah glăk amăng bơyan không phang pơ-iă hang, lu ia krông čroh hnoh khŏt ia, ƀing mơnuih sĭ mơdrô anah kơphê ăt hyu blơi pơƀut glăi mơng hơdôm anih pla anah pơjeh, dŏ tơguăn sĭ brơi mơnuih ngă hmua glăk kiăng biă mă amăng bơyan tơjŭ pla pơ anăp. Kơphê Việt Nam amra ƀuh lu mơnuih pla hăng pơhrui lu hă ƀu ăt dŏ tơguăn sui pơ anăp dong, samơ̆ tơlơi bơngŏt bơdjơ̆ nao pơjeh ƀu hiam glăk ƀuh ră anai.

VOV4.Jarai - Bơkơtuai hơdôm tơlơi kiăng ngă hlâo hăng ba tơbiă hơdră ngă hrŏm kơsem min ngă hmua plah wah Việt Nam hăng Australia, tlam tom brơi (lơ 7/5) ƀơi Hà Nội Ding jum ngă hmua hăng pơđĭ kyar ƀôn lan ngă hrŏm hăng Khua anih jưh pơ ala dêh čar Australia ƀơi Việt Nam pơphun “Bơkơtuai ngă hrŏm amăng bruă ngă hmua”.

VOV4.Jarai – Mơguah lơ 5/5, Ding kơna Ping gah dêh čar, Kơ-iăng Khua dêh čar ta ơi Trần Lưu Quang hmâo gum hrŏm hăng grŭp hyu mă bruă mơ̆ng Gong gai dêh čar hyu pel ĕp bruă wai lăng pơgang hăng pơgang pơgăn apui ƀong glai ƀơi tơring glông Sa Thầy, tơring čar Kon Tum.

VOV4.Jarai – Ră anai, djop gơnam đang hmua ƀơi kual Dap kơdư hơmâo kơphê, tiu, sầu riêng….hơmâo nua ƀu djơ̆ kơnong pơgôp ngă pơplih tơlơi hơdip kơ neh met đôč ôh mơ̆ ăt pok prong ba sĭ mơdrô pơ tač rơngiao. Mah bơbeč mơng Elnono ngă không phang pơ-iă hang bơdjơ̆ nao lu phun pla ƀơi kual Dap kơdư, samơ̆ mơnuih ƀôn sang ăt gir run pơhlôm brơi ia yua kiăng pơsir hĭ tơnap tap mơng ayuh hyiăng mơng anun tŏ tui ngă đang hmua pơhlôm brơi boh than ba glăi mơng bơwih ƀong huă:

VOV4.Jarai – Hơdôm hrơi rơgao, tơdơi hơdôm tal pơtô bruă, lu mơnuih mă bruă ƀơi hơdôm kual plơi pla ƀơi Dak Lak, biă ñu mơnuih djuai ania ƀiă, hmâo pơjing mă laih bruă mă, đĭ tui prăk pơhrui glăi, hơđong tơlơi hơdip mơda. Hrŏm hăng anun, bruă hrăm bruă mă ăt djru laih mơnuih ƀôn sang pok tơbiă jơlan nao phrâo lơm pơjing hơdôm grŭp ngă đang hmua, bơwih ƀong huă sĭ mơdrô ƀơi plơi pla.

VOV4.Jarai – Mơguah tom brơi (26/4) ƀơi plơi prong Buôn Ma Thuột, Anom pơtrut sĭ mơdrô – Ding jum sĭ mơdrô gum hrŏm hăng Jơnun min mơnuih ƀôn sang tơring čar Dak Lak pơphun Jơnum pơtrut sĭ mơdrô hăng pơđĭ kyar sĭ gơnam kơ dêh čar tač rơngiao kual Dap Kơdư.

VOV4.Jarai-Adai pơ-iă kơtang phang khôt sui hrơi blan ngă kơ lu đang kơphê ƀơi tơring glông Đak Hà, tơring čar Kon Tum krô hla, djai than hăng luh boh mơda abih.