VOV4.Jarai - Mơnuih ngă đang hmua, hơdôm bôh anom bơwih ƀong sĭ gơnam kơ dêh čar tač rơngiao hăng gong gai hơdôm gưl ƀơi Gia Lai glăk pơtrut kơtang bruă prăp lui hơdôm tơlơi kiăng hloh pioh gơnam sĭ kơ dêh čar arăng ƀơi tơring čar djơ̆ tui tơlơi pơkă pơgang rơngiă glai klô mơ̆ng Khul pơlir hơbit kual Mi Kô̆ (iâo klah čun EUDR). Bruă anai dưi pơsit lĕ hmâo lu tơlơi lông samơ̆ ăt amra pơjing rai mơn hơdôm tơlơi gal pioh pơđĭ dlông pran đăo kơnang hăng bơkơtưn mơ̆ng đang hmua, đang kyâo tơring čar ƀơi kual EU.

VOV4.Jarai - Tơring čar Dak Lak ră anai hmâo 15.000 ektar đang tơbâo, mrô tơbâo rim thun hmâo 1 klăk tơn. Hăng tơlơi gơgrong hlâo pơlir kơjăp kơplah wah mơnuih pla tơbâo, anom bơwih ƀong hăng gong gai tơring čar, bruă pla tơbâo pơkra sik Dak Lak glăk hmâo hơdôm yak đĭ kyar kơjăp sui thun, ba glăi tơlơi hơdip trơi pơđao kơ mơnuih ƀôn sang.

VOV4.Jarai - Bơyan ngă tiu thun 2025 glăk pĕ boh laih, ba glăi tơlơi mơak prong biă kơ mơnuih ngă hmua Gia Lai, lơ̆m nua tiu krô hơmâo 160.000 prăk/kg.

VOV4.Jarai-Nua tiu đĭ giăm 160.000 prăk sa kĭ (anai lĕ nua lu hloh dong mơng thun 2016 truh ră anai) glăk pơtrut pơsur mơnuih ngă hmua hơđong tuh pơ alin lu ƀiă dong kơ phun tiu.

VOV4.Jarai-Mơguah lơ 19/3, Grup hyu mă bruă mơ̆ng Jơnum min bơwih ƀong hăng prăk kăk Sang bruă khua pơ ala mơnuih ƀôn sang dêh čar hơmâo mông mă bruă hăng Jơnum min mơnuih ƀôn sang tơring čar Dak Lak, kơ bruă pơkă hơnơ̆ng yua lŏn mơnai mơ̆ng thun 2021-2030, lăng nao truh thun 2050, hăng krăo lăng bruă ngă tui Tơlơi phiăn lŏn mơnai thun 2024.

VOV4.Jarai - “Gru phara ha jăn hăng gru pơđom pioh plơi pla amra ba kơphê Việt Nam hrưn hyu truh rơnoh rŏng lŏn tơnah”, anai lĕ tơlơi pơsit mơ̆ng lu khua pơ ala amăng mông jơnum “Bruă sĭ mơdrô jar kơmar – Tô nao rai, pơđĭ rơnoh kơphê Việt” yua Jơnum min mơnuih ƀôn sang tơring čar Dak Lak gum hrŏm hăng Ding jum sĭ mơdrô, Ding jum đang hmua hăng Rơhuông adai lŏn mơnai, Khul Kơphê – Ca cao Việt Nam pơphun, ƀơi plơi prong Buôn Ma Thuột, tơring čar Dak Lak.

VOV4.Jarai - Tơdơi kơ 5 hrơi hăng 17 bruă mă phun hrŏm hăng lu tơlơi jơnum anăp nao hur har ƀơi djop anih anom amăng tơring čar, Jơnum ngui Kơphê Buôn Ma Thuột tal 9 thun 2025 hmâo pơjưh truh kih, pioh glăi gru pơđom lui dơlăm amăng pran jua tuai hăng khul mơnuih bơwih ƀong sĭ mơdrô kơphê. Anai ƀu kơnong kơ sa tơlơi jơnum ngui bôh thâo phara ha jăn ôh mơ̆ ñu dô̆ jing tơhnal gal prong pioh bruă kơphê Việt Nam pơtŏng sit pran gơgrong ƀơi hla kak amăng rŏng lŏn tơnah dong.

VOV4.Jarai-Talkshow ‘Kơphê hăng bruă ngă” yua Khul bruă kơphê Ƀuôn Ma Thuôt ngă hrŏm anom bruă Simexco Dak Lak pơphun jơnum tŭ yua lu bruă mă lăi nao tong ten kơphê hiam jơman hloh mơ̆ng Khul bruă kơphê Ƀuôn Ma Thuôt tal 9.

VOV4.Jarai - Amăng mông Jơnum ngui kơphê Buôn Ma Thuột tal 9 phrâo rơgao hmâo pơphun laih pơplông mơnuih ngă đang hmua rơgơi thun 2025 hăng anăn ñu “Ngă đang kơphê hơdeč hmar”. Hrŏm hăng anun lĕ jơnum bơkơtuai bruă sĭ mơdrô jar kơmar “Tô nao rai, pơđĭ rơnoh hiam kơphê Việt”. Hơdôm bruă mă anai ƀu gah rơngiao kơ bôh tơhnal pơđĭ tui klă hiam kơphê, djơ̆ tui tơlơi pơkă sĭ kơ dêh čar tač rơngiao, ba glăi bôh tŭ yua kơ mơnuih pla kơphê hăng anom bơwih ƀong sĭ mơdrô kơphê.

VOV4.Jarai-Kual gah ngŏ tơring čar Gia Lai hơmâo plơi prong An Khê hăng hơdôm tơring glông Kơƀang, Đak Pơ, Kông čro, jing anih bơwih ƀong huă tơnap tap biă mă hăng lu phun pla ƀiă thun blan, ba glăi boh tơhnal bơwih ƀong huă ƀu lu ôh. Samơ̆, yap mơ̆ng kual anai jing anih pla tơbâo prong hloh amăng dêh čar hăng giăm 32.000 hektar, lu plơi pla, tơring glông amăng kual dưi pơđĭ kyar ƀuh rơđah ba mơtam, hơdôm rơbâo boh sang anŏ mơnuih ngă hmua hơđong laih tơlơi hơdip mơda. Hrŏm hăng thun anai thun rơnang phang klă, phun tơbâo djơ̆ bơyan hơmâo nua yom ƀiă ƀu hrup hăng tơđar thun "djơ̆ bơyan nua trun hĭ ôh", ră anai mơnuih ngă hmua pla tơbâo hơđong laih.