VOV.Jarai-Anŏ pơblih ayuh hyiăng lŏn tơnah ngă kơ bơyan không, adai pơđiă phang kơtang tui, sui blan hloh, sit truh bơyan hơjan hlim, lĕ ia ling dăo, lŏn tơhlŏm. Lơ̆m anun, rơnoh pơđĭ kyar bruă ngă hmua pla pơjing hmar đơi, hlăk ngă kơ kual Dap Kơdư dŏ ƀơi anăp tơlơi lông lăng prong koa ia yua. Lơ̆m ia amăng rơgup lŏn jai hrơi thu, hrŏ hĭ, tơlơi pơmin jŭ yap kiăng pơtrut pơđĭ kyar ƀu kơnong pơđĭ rơnoh pơhrui glăi hăng nua sĭ mơdrô đôč dơ̆ng tah, dŏ jing ngă hiư̆m pă pơgang pioh ia kiăng pơgang pioh tơlơi bơwih ƀong huă hăng anăp nao ngă hmua tui atur ngă hmua mơtah mơda, hơđong kơjăp.

VOV.Jarai-Bruă ƀu ngă tui hră pơkôl, ngă soh tơlơi ƀuăn pơlir hơbit glăk tơ̆i hĭ bruă blơi pơhrui gơnam đang hmua. Tơlơi pơmĭn bơwih ƀong lăng nao tơlơi dưi ƀơi anăp ƀu djơ̆ kơnong ngă sat brơi anom bruă sĭ mơdrô, anom bơwih ƀong hrŏm đôč ôh mơ̆ ăt ngă rơngiă hĭ tơlơi dưi kơ mơnuih ngă hmua lơm mut hrŏm ba gơnam sĭ mơdrô tui jơlan phun rơkâo ngă tui djơ̆ tơlơi pơkă hăng pơhlôm rơđah rơđông.

VOV.Jarai-Kiăng pơgang pioh glai rưng, ƀing tơhan pơgang glai kyâo Quảng Ngãi hơmâo ngă hrŏm lu hơdră: yua flycam krăp lăng mơ̆ng adai rơngit, laih dơ̆ng pơphun hyu tir amăng glai, dŏ glăi pơ glai klô. Mơ̆ng lŏn đĭ nao pơ adai rơngit, bruă mă hlăk dŏ pơgang tong ten biă mă, kiăng tañ ƀuh mơ̆ng ataih, tơlơi či truh apui ƀong glai amăng bơyan không pơ-iă kơtang phang khôt hăng pơgang ia mơtah hla mơda hơdôm rơtuh rơbâo hektar glai rưng.

VOV.Jarai-Ƀơi phương Pleiku, gơnong bruă sĭ mơdrô tơring čar Gia Lai pơphun Jơnum pơlir gơnam đang hmua, gơnam OCOP hăng gơnam yôm phara thun 2026. Jơnum pơhưč giăm 400 čô mơnuih, anun lĕ mơnuih ngă hmua, anom bơwih ƀong hrŏm, anom bruă sĭ mơdrô hrŏm hăng ƀing pơ ala hơdôm gơnong bruă, sang bruă nao jơnum hrŏm.

VOV.Jarai-Ƀơi Dak Lak, Khul wai lăng ia yua hăng ayuh hyiăng Việt Nam gum hrŏm hăng anom bruă git gai wai lăng plơi pla phrâo gơnong glông, anom bruă dưm dăp hăng pel ĕp ia yua dêh čar hrŏm hăng Jơnum min mơnuih ƀon sang tơring čar Dak Lak pơphun jơnum bơkơtuai hăng anăn: “Wai lăng, mă yua hăng pơsur tuh pơ alin pơđĭ kyar kông ngăn ia yua pơlir hăng ngă hmua, plơi pla phrâo hăng apui yua mơtah kual Tong krah-Dap kơdư”.

VOV.Jarai - Mơnuih ƀôn sang kual čư̆ siăng gah Yŭ tơring čar Quảng Ngãi glăk mơneč mă glai rưng tha či pla phun jrao akha, pơjing “glai mơtah” jing tơlơi bơwih ƀong hơđong. Mơ̆ng hơbô̆ bruă pla kyâo gah yŭ phun kyâo glai, neh met wa djuai ania Hơdang ƀrô hơmâo prăk lu hloh,  ƀrô pơgang glai rưng rah, laih anun pơgang djŏp mơta ra mơnŏng, pok jơlan đĭ kyar bơwih ƀong pơlir hăng ayuh hyiăng kơ kual čư̆ siăng.

VOV.Jarai-Amăng hrơi blan Việt Nam anăp nao hơnong pơđĭ kyar sĭ mơdrô pơ tač rơngiao hơđong kjăp, hơdôm tơlơi pơkă kơ bruă pơgang klin kman ƀơi hlô mơnong, pơhlôm mơnong ƀong huă hơdjă (SPS) hăng sit biă ñu lĕ tơlơi pơtrun mrô 280 mơng anom bruă wai lăng sĭ mơdrô pơ tač rơngiao Khač glăk ngă pơgô̆ prong hăng anom bơwih ƀong sĭ mơdrô. Samơ̆, anai ăt lĕ tơlơi pơtrut kiăng gơnong bruă ngă hmua pơplih tui jơlan gah klă hloh, tong ten hăng hơđong kjăp ƀiă dong.

VOV.Jarai-Ƀơi Gia Lai, lơ̆m bơyan phang adai pơđiă kơtang, tơlơi truh apui ƀong glai amuñ biă mă či hơmâo amăng đơ đam tơring čar, yua hơmâo giăm 1 klăk hektar glai rưng, ƀơi anih lŏn glai prong rơhaih, ataih biă mă.  Ƀơi anăp kơ tơlơi lông lăng anai, ƀing tơhan pơgang glai klô hăng lu sang bruă, pô wai lăng glai klô kơnuk kơna jao, pok pơhai khut khăt bruă ngă “4 mơta bruă sa hnơ̆ng”, brơi dŏ mă bruă djop mrô pơkă, kơtưn hyu tir, ĕp lăng, ba yua măi mok ia rơgơi phrâo pioh krăp lăng, pơsir mơ̆ng ataih mơtam, kiăng hmao kru, laih dơ̆ng pơtrut bruă pơtô pơblang, jak iâu mơnuih ƀôn sang kĭ hră ƀuăn djru pơgang apui ƀong glai, prăp lui hlâo bruă pơhlom pơgang mơ̆ng plơi pla mơtam.

VOV.Jarai-Ƀơi anăp kơ tơlơi tơnap tap mơng klin kman ƀơi hlô mơnong, sit biă ñu lĕ klin pơtah čroh ƀơi un hăng virus ƀŏng ƀơi ƀong hăng tơkâo, tơring čar Dak Lak glăk pok pơhai ha amăng plĕ hơdôm hơdră pơgang brơi hlôm mơnong, hơđong bruă rông hlô hăng plai ƀiă ngă huač brơi mơnuih ƀôn sang.

VOV.Jarai-Hăng anăp pơđĭ kyar mơtah mơda laih anun hơđong kơjăp, tơring čar Dak Lak pơtrut hyu ĕp bruă tuh pơ alin nao amăng bruă ngă hmua ba yua boh thâo ia rơgơi phrâo, tuh tia pơkra ming gơnam sĭ mơdrô hăng apui yua pơkra ming glăi, kiăng pơjing pran kơtang ngă tui tơhnal pơkă bơwih ƀong huă đĭ kyar dua mrô kơñ pơgi.