Gia Lai pơtrut pơlir gơnam đang hmua hăng bruă sĭ mơdrô phrâo
Thứ ba, 08:43, 26/05/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀơi phương Pleiku, gơnong bruă sĭ mơdrô tơring čar Gia Lai pơphun Jơnum pơlir gơnam đang hmua, gơnam OCOP hăng gơnam yôm phara thun 2026. Jơnum pơhưč giăm 400 čô mơnuih, anun lĕ mơnuih ngă hmua, anom bơwih ƀong hrŏm, anom bruă sĭ mơdrô hrŏm hăng ƀing pơ ala hơdôm gơnong bruă, sang bruă nao jơnum hrŏm.
Hăng hơnong pơkă pok prong anih anom sĭ mơdrô hăng hrưn đĭ nua gơnam đang hmua mơng ƀon lan, Jơnum thun anai hơmâo tơlơi mut hrŏm mơng hơdôm anom bruă sĭ mơdrô pơprong anun lĕ Bách Hóa Xanh, Central Retail-Go!, Proton hăng Vinanutrifood Bình Định. Giăm 40 gơnam đang hmua phun, gơnam OCOP djơ̆ hơnong pơkă hrŏm hăng lu gơnam yôm phara amăng ƀon lan hơmâo lăi pơthâo tơl anom ngă hrŏm, anom bruă sĭ mơdrô.
Hrŏm hăng bruă pơlir blơi-sĭ mơdrô, djop bơnah hơmâo pơlăi nao rai hơdôm tơlơi gal hrŏm hăng hơdôm pơjing mrô kual pla, hơnong pơkă ngă hmua mơtah, hrŏm hăng hơdôm hơdră ba gơnam đang hmua Gia Lai mut hrŏm dơlăm ƀiă dong amăng bruă sĭ mơdrô phrâo.
Viết bình luận