Dak Lak kơtưn pơgang klin kman ƀơi hlô mơnong
Thứ năm, 08:34, 14/05/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀơi anăp kơ tơlơi tơnap tap mơng klin kman ƀơi hlô mơnong, sit biă ñu lĕ klin pơtah čroh ƀơi un hăng virus ƀŏng ƀơi ƀong hăng tơkâo, tơring čar Dak Lak glăk pok pơhai ha amăng plĕ hơdôm hơdră pơgang brơi hlôm mơnong, hơđong bruă rông hlô hăng plai ƀiă ngă huač brơi mơnuih ƀôn sang.
Mơng akŏ thun truh ră anai, klin pơtah čroh ƀơi un tŏ tui ngă tơnap tap ƀơi hơdôm boh ƀon lan. Truh rơnuč blan 4, klin ƀuh ƀơi 26 boh să, phương, khŏm ba pơrai hĭ rơbêh 2.100 drơi un. Hrŏm hăng anun, gơnong bruă rông hlô Dak Lak ăt dong ƀơi anăp kơ bruă virus ƀŏng ƀơi ƀong hăng tơkâo serotype SAT1.
Đơ đam dêh čar lăi hrŏm, tơring čar Dak Lak hnun mơn kiăng kơtưn pok pơhai lu hơdră kiăo tui lăng, wai pơgang kjăp bruă pơdŭ pơgiăng hyu hlô mơnong hăng gơnam pơkra mơng hlô mơnong găn nao rai guai dêh čar; laih dong pơphun mă asar pơčrang lăng, tañ ĕp ƀuh hlô ƀă kman. Tui gơnong bruă ngă hmua hăng ayuh hyiăng tơring čar Dak Lak, gơnong bruă glăk gơgrong kiăo tui lăng klin kman, črâo ba mơnuih ƀôn sang pok pơhai hơdôm hơdră pơgang hmao tlôn.
Viết bình luận