Blan 8 laih rơgao, grup ƀut 4 boh măi sang măi pơdar hăng jua angin Čư̆ Nĕ 1, Čư̆ Nĕ 2, Krông Ƀŭk 1 hăng Krông Ƀŭk 2, jua kơtang pơmut hrŏm truh 200 MW, ƀơi să Krông Ƀŭk hăng Čư̆ Pơ̆ng, tơring čar Dak Lak, hơmâo ngă giong hăng pơkĕ yua apui lơtrik hrŏm hăng hơdôm boh tuôk ƀin pơkĕ yua apui tal rơnuč pơgiong laih. Tơdơi kơ ba yua, hơdôm kơčăo bruă anai ƀu kơnong pơhrua dơ̆ng jua kơtang pơkĕ apui đôč ôh, dŏ djru pơhrua rơnoh prăk pơhrui glăi jia kơ tơring čar. Ơi Trần Quốc Tuấn, Khua Jơnum min mơnuih ƀôn sang să Krông Ƀŭk, brơi thâo kơčăo bruă anai hơmâo djru hrŏm prăk jia kơ să rơbêh 115 klai prăk rĭm thun, laih dơ̆ng pơsir bruă mă hăng pok brơi anŏ gêh găl phrâo.

“Kơčăo bruă hơmâo djru hrŏm ƀơi să rơnoh prăk pơhrui glăi lu ƀiă mơ̆n pơkă hăng lu kơčăo bruă pơkŏn amăng să. Anŏ lăp pơđĭ kyar mơ̆ng kơčăo bruă man pơdong sang măi apui pơkĕ yua jua angin ƀơi Krông Ƀŭk dŏ prong đôč. Ƀing gơmơi dŏ 4-5 kơčăo bruă hlăk pơkă hnŏng man pơdong, kiăng pơhưč tuh pơ alin man pơdong, ĕp prăk pơhrui glăi pơđĭ kyả truh 2 mrô brơi kơ să”.

Anai lĕ anŏ čang rơmang prong gêh găl laih ƀơi Dak lak amăng bruă pơkra apui yua rơgoh hơdjă kơnang kơ jua angin. Tui hăng anŏ pơkă hnŏng mơ̆ng thun 2025-2030, tơring čar hơmâo 125 kơčăo bruă pơkra apui yua rơgoh, amăng anun 57 kơčăo bruă apui yua pơkĕ hăng jua angin, abih tih jua kơtang 4.000 MW. Khă hnun, truh ră anai, Dak Lak kiah tŭ ư jơlan hơdră tuh pơ alon hăng brơi 19 kơčăo bruă pơkra ming apui yua rơgoh, abih tih jua kơtang 1.128 MW; amăng anun 11 kơčăo bruă apui hăng jua angin, jua kơtang 590 MW. Anŏ pleh ploh dŏ prong đôč hăng anih gêh găl hăng mrô kơčăo bruă tuh pơ alin hăng mrô kơčăo bruă hơmâo tuh pơ alin brơi ƀuh hơdôm “anŏ gun” kiăng ruh hĭ tañ. Amăng anun, hră pơar, tuh pơ alin, čuk pơdăo duh glăi lơ̆n sang đang hmua, jơlan nao rai hăng bruă duh glăi prăk kơ pô lơ̆n sang đang hmua ăt jing sa tơlơi khua sang bruă tuh pơ alin đing nao. Tơlơi anai, tui hăng yă Nguyễn Thị Thu An, Khua Gơnong bruă tuh tia hăng sĭ mơdrô tơring čar Dak lak brơi thâo:

“Tui hăng tơlơi git gai mơ̆ng Jơnum min mơnuih ƀôn sang tơring čar Dak Lak, hrơi mông kơ ƀing gơmơi hlăk hăt biă mă yơh, ngă hră pơar brơi tuh pơ alin trun dŏ mơ̆ng 50-60% pơkă hăng hlâo. Lơ̆m djru ba tui jơlan mơtah amra pơsir tañ hră rơkâo tuh pơ alin, lăi pơthâo khua mua dưi ngă brơi hră pơtrun tuh pơ alin hăng hơdôm kơčăo bruă dăng hrĕ apui lơtrik ming pơkra glăi”.

Tui hăng ơi Đào Mỹ, Kơ-iăng khua Jơnum min mơnuih ƀôn sang tơring čar Dak Lak, hơdôm kual hơmâo anŏ gêh găl dưi brơi pơphun ngă tui, iâu pơthưr tuh pơ alin, hăng lu tơhnal pơkă ngă gêh găl brơi djop kơčăo bruă dưi pok pơhai tañ lơ̆m ngă djop laih anŏ či kiăng.

“Hơdôm anih hơmâo tơlơi gêh găl, ƀing gơmơi amra pơtrut hmar iâu pơthưr, brơi tuh pơ alin mă bruă mơtam. Ngă hiư̆m pă lơ̆m sang bruă tuh pơ alin nao sem lăng, tơdah pơhlom brơi djop anŏ kiăng tuh pơ alin lĕ brơi pok pơhai mơtam, ƀu lui bưp tơlơi tơnap tap gun gan pơpă dơ̆ng tah”.

Kơčăo bruă apui yua jua angin amra jing sa amăng hơdôm pran kơtang yom hloh pioh kơ Dak Lak pơtrut hmar pơblih mơtah mơda, pơđĭ rơnoh pơhrui glăi har hăng