VOV.Jarai-Hơdôm boh tơring čar kual Dap kơdư glăk dong ƀơi anăp kơ tơlơi rơkâo “pok phư” hơdôm rơtuh akŏ bruă, ngă atur pơtrut pơđĭ kyar hăng anăp nao hơnong pơkă rơbêh 10%. Samơ̆, hrŏm hăng tơlơi gun kơ tơhnal pơkă, bruă ngă hră pơ-ar hăng ngăn rơnoh tuh pơ alin, bruă mơnuih mă bruă jing tơlơi gun prong. Hơdôm thun rơgao, mơnuih rơguăt bruă hơmâo pơplih hơdai nao mă bruă pơ hơdôm tơring čar kual Dơnung, ngă ƀon lan kơƀah lu biă mă mơnuih mă bruă, sit biă ñu ƀơi hơdôm kual akŏ phun. Hơdôm tơlơi čih mơng pô mă tơlơi pơhing Tuấn Long amra lăi nao kơ tơlơi sit nik, ngă rơđah tơlơi lông hăng pok phư hơdră pơsir hĭ bruă kơƀah mơnuih mă bruă ƀơi hơdôm tơring čar kual Dap kơdư. Tơlơi čih blung a hăng anăn: “Kơƀah mơnuih mă bruă mơng anih man pơdong truh pơ đang hmua wŏt amăng sang măi”.

VOV.Jarai - Mơguah kơnôl 22/7, ƀơi Ninh Bình, Anom bruă pơtrut pơsur ngă hmua Dêh čar ngă hrŏm hăng Gơnong bruă hmua hăng ayuh hyiăng tơring čar pơphun Jơnum pơtrut pơsur ngă hmua hăng anăn “Hơdră đĭ kyar rông hni hơđong nao hrŏm hăng anăn gơnam hmư̆ hing”.

VOV.Jarai-Jơnum min mơnuih ƀon sang tơring čar Gia Lai phrâo ba tơbiă tơlơi pơtrun mrô 3002 mơng Jơnum min mơnuih ƀon sang tơring čar tŭ yap ngă tui tơlơi črâo trun tuh pơ alin laih dong tŭ ư anom bruă tuh pơ alin pok akŏ bruă anih kơsem min hăng pơđĭ kyar kơphê AI-Gia Lai, hăng abih tih prăk tuh pơ alin 326 klai prăk.

VOV.Jarai-Dua hrơi laih rơgao, Gơnong bruă Gru grua, Pơrơguăt drơi jăn hăng Tuai čuă ngui tơring čar Dak Lak pơphun jơlan hơdră hyu sem lăng sit nik tơlơi kiăng hăng anŏ găn rơgao akŏ ñu “Jơlan ngă bruă mơ̆ng đang truh pơ kơčok ia kơphê mơñum”.

VOV.Jarai-Mơ̆ng hơbô̆ bruă kơnong lir hơbit ngă hmua, pơkra ming hăng mơ̆ng mơnuih ngă hmua, lu sang bruă ngă hrŏm juăt HTX ƀơi Dak Lak hlăk pơblih kơtang biă mă, nao kơ hơdră sang bruă mơdrô rơnuk phrâo: prăp lui hlâo git gai wai lăng, akŏ pơjing gru anăn gơnam sĭ mơdrô, pok prong anih anom sĭ mơdrô hăng gum hrŏm pơhlom hơđong rơnoh sĭ mơdrô kơjăp. Anŏ pơblih mơ̆ng tơlơi pơmin tuh tơguan djru đôč, nao kơ bruă pơđĭ kyar hlăk ngă jing pran kơtang phrâo pơtrut khul bơwih ƀong lu ding kơna, pơhrui glăi kơ hơđong kơ ding kơna ngă hrŏm sang bruă bơwih ƀong huă khul, tơpuôl sa boh sang bruă ƀơi tơring čar.

VOV.Jarai - Bruă “Pơpoh boh sâu riêng” ba glăi prăk hơdôm pluh klăk, đa truh ha rơtuh klăk sa blan yua kơ tơlơi thâo rơgơi, rơguăt bruă. Khă hnun, hăng prăk apah pơhưč djơ anun jing mơnuih mă bruă pơtŏp kơtang kơtit, glêh glar biă mơn mơ̆ng dưi, tơdah gơñu čơkăp, trơ̆i djơ̆ boh mơda thơ duh prăk kơ arăng mơtăm.

VOV.Jarai - Tơring čar Gia Lai glăk pơplih bruă ngă hmua hơdjă jing arăng juăt iâu ngă hmua mơtah laih anun ngă tui hơnong pơkă ESG (Ayuh hyiăng - Mơnuih mơnam - Wai lăng). Jơnum min mơnuih ƀôn sang hơmâo jơnum hăng rơbêh 120 čô jing ƀing kơhnâo kơhnăk, pô wai lăng jăng khul mơdrô. Ƀơi anai, khua mua tơring čar Gia Lai pơsit gir akŏ pơdong sa anih pơkra gơnam mơtah, pơplih phrâo hăng hơđong pơ anăp adih.

VOV.Jarai-Tlam kơnôl 02/07, Kơ-iăng khua dêh čar ơi Hồ Quốc Dũng nao jơnum pơƀuh ƀô̆ mơta amăng tivi hăng djop anih pơƀuh ƀô̆ mơta jơnum hrŏm mŏng ataih amăng dêh čar pơƀut bruă mă 6 blan akŏ thun, pok pơhai bruă mă 6 blan rơnuč 2026 gah Ding jum Ngă hmua hăng Ayuh hyiăng.

VOV.Jarai-Ƀu kơnong djru ba mơnuih ngă hmua pơhlom klă gơnam tam sĭ mơdrô, boh troh đang hmua, hơdôm thun giăm anai đôč ôh, tơring čar Dak Lak dŏ pơtrut lu bruă mă hơduah ĕp, brơi tuh pơ alin sĭ mơdrô, pơtruh hăng anih anom blơi gơnam sĭ mơdrô laih anun pơblih yua mrô, djru kơ mơnuih ngă hmua amăng tơring čar, pok prong anih anom sĭ mơdrô, pơđĭ rơnoh gơnam tam. Bruă gum hrŏm mơ̆ng gong gai kơnuk kơna hăng djop sang bruă hơmâo pơjing pran jua kơtang pioh kơ sang bruă mơdrô, anom ngă hrŏm hăng mơnuih ƀôn sang khin ƀiă tuh pơ alin, čih pioh gru anăn gơnam sĭ mơdrô hăng pơđĭ kơtang tơlơi pơhno kơ gơnam sĭ mơdrô boh troh đang hmua.

VOV.Jarai-Ƀơi hơdôm kơčong čư̆ ƀơi să Tu Mơ Rông, tơring čar Quảng Ngãi rơbêh 1 klăk phun kơphê phrâo pla, pok rai bruă pơjing kual pla pơtum pơƀut, pơhlôm hơđong tơlơi bơwih ƀong huă brơi kual mơnuih djuai ania Sêdang.