Ƀơi mông jơnum, ƀing mă bruă amăng să, phường pơ Dak Lăk hơmâo pơtô brơi hơdôm tơlơi pơplih phrâo mơ̆ng Hră pơtrun 36, bruă tŭ mă hră, ngă hră mơ̆ng ataih; čih pơmut amăng plang boh thâo phần mềm, sem lăng anih pla, hăng krăp lăng anih pla tơdơi kơ brơi gru mrô. Biă ñu, Hră pơtrun phrâo lui hĭ pơkă đơ đam lŏn hmua, pok prong bruă dưi pơkra gru mrô hăng abih bang đang hmua pla plah phun lu djuai.

Yă Đặng Thị Thủy, Kơ-iăng khua Gơnong bruă hmua hăng ayuh hyiăng tơring čar Dak Lăk pôr pơthâo, mơ̆ng anŏ hơmâo sit bruă brơi gru mrô ƀơi 72 boh să, phường, bruă mă mơ̆ng hơdôm boh tơring aka ƀu kơnar ôh. Yua hnun, Dak Lăk kiăng hơmâo mơnuih apăn bruă mơ̆ng Ding jum ngă hmua hăng Ayuh hyiăng djru ba dong.