Anai lĕ tơlơi pơhing mơak biă, pok lu anŏ gêh găl brơi boh sầu riêng Dak lak dưi ba nao sĭ mơdrô pơ dêh čar Khač, tui jơlan hơdră tơpă hnơ̆ng. 140 mrô pơčrâo anih pla, hmua đang dưi pơsit anun hơmâo 4.300 hektar; 31 boh sang bruă djop anŏ pơkă anung gơnam sĭ mơdrô hiam mơ̆ng boh sầu riêng asăt, hăng abih rơnoh pơkă đơ đam sang bruă lĕ 91.000 met karê, hnơ̆ng pơ-anung gơnam sa hrơi truh 5.500 tơn.

Ră anai, Dak Lak hơmâo năng ai 44.000 ha đang sầu riêng, rơnoh pĕ pơhrui thun 2026 him lăng hơmâo 500.000 tơn. Ƀơi anăp kơ bruă hơmâo kơđŏm phrâo, tơring čar hơmâo 280 kual ngă hmua pla pơjing hăng 7.500 ha hăng 41 boh sang bruă anung gơnam asăt hơmâo pơsit gru mrô pơčrâo tong ten laih, dưi ba sĭ mơdrô pơ tač rơngiao. Bruă dưi pơsit dơ̆ng 140 gru mrô pơčrâo anih pla, hmua đang hăng 31 boh sang bruă anung gơnam lĕ hơmâo pơđi tui anŏ gêh găl lu hloh amăng bruă sĭ mơdrô tơpă hnơ̆ng, laih dơ̆ng ngă gêh găl brơi kơ mơnuih ngă hmua pla pơjing hăng sang bruă mơdrô dưi ngă djơ̆ hnơ̆ng pơkă jai hrơi amuñ hloh nao pơ dêh čar Khač.