Djop să, phường dưi hmư̆ tơlơi pơtrun hiăp khom ngă tui Hră pơtrun 36 mơ̆ng Kơnuk kơna; brơi nao mơnuih mă bruă, tŭ mă hăng pơsir tañ hră pơar rơkâo pơsit brơi anih pla, hmua đang, sang bruă dưm hruh gơnam sĭ mơdrô, anăm lui hră pơar kơđông hĭ yua ƀu pơsir. Gia Lai ăt pơtrun hiăp pok pơhai bruă dưm mrô, čih pioh kual pla, ngă hmua djop phun pla hơmâo rơnoh yom phun, pioh sĭ mơdrô pơ tač rơngiao; đing nao hlâo gah bruă boh sầu riêng anăn phun ñu boh "durian", boh kruăi hrĕ, kơphê, tiu hăng hơdôm gơnam yom pơkŏn.

Lu anom bruă kơnuk kơna hyu ĕp lăng, hmao kru ƀuh hăng pơsir tơpă, khut khăt tơlơi ngă soh, ngă mă ča hră pơar, boh tơhnal ĕp lăng boh troh đang hmua ƀu hơdjă rơgoh ăt ngă brơi hră hăng ngă soh glăi amăng bruă git gai wai lăng, brơi mrô pơ anăn anih pla, hmua đang, sang bruă dưm hruh. Đơ đam tơring čar Gia Lai ră anai, hơmâo 451 gru anăn mrô pơsit brơi anih pla hmua đang hăng đơ đam truh kơ 13.420 ha. Tơring čar ăt ngă brơi 53 gru anăn mrô sang bruă dưm hruh gơnam sĭ mơdrô ba nao sĭ pơ dêh čar tač rơngiao, hnơ̆ng dưi dưm sa hrơi truh 2700 tơn boh dŏ asăt amăng hruh hlâo kơ ba sĭ.