Anai jing tơlơi pơplih mơ̆ng pơtruh, pơtrut tuh pơ alin jing akŏ pơjing hơdôm kơčăo bruă, pơtruh nao rai tong ten kơ bruă pơkra sâu riêng ƀơi tơring. Hơdôm pok hră hơmâo kĭ pơƀut kơ hơdôm bruă akŏ phun kah hăng sem lăng tuh pơ alin ƀut sang čơ blơi sĭ gơnam prong, anih blơi, pơčrang lăng jrao ngă măt, logistics, ba sĭ pơ tač rơngiao hăng pơkra klă hloh gơnam mơ̆ng hmua; pơdong hơjai ngă bơrơ-ơ̆ gơnam; kual ngă hmua mă yua boh thâo yom hăng kual sang măi pơkra gơnam klă hloh hlâo či ba sĭ; mă yua boh thâo sinh học, pơtruh anih sĭ mơdrô.

Hrŏm hăng 9 pok hră hơdor pioh anai, hơdôm anom bruă brơi anah, gơnam ngă hmua, pơtô brơi boh thâo tơjŭ pla, sang bruă prăk, kual pla, blơi, pơkra, ba sĭ hăng djru brơi ngă mrô gru kơnăl ăt hơmâo kĭ hră ngă hrŏm mơn, anăp nao anih ngă hrŏm mơ̆ng pơkra truh kơ ba sĭ./.