Bruă mă anai kiăng pok pơhai tơlơi pơtrun mrô 36/2026/NQ-CP mơng Kơnuk kơna kơ ngă amuñ ƀiă hră pơ-ar hăng mrô kual pla, mrô anih anung gơnam tam, djru blơi pơhrui hăng ba sĭ mơdrô gơnam đang hmua pơ tač rơngiao. Ƀơi Lâm Đồng, boh kruăi hrĕ arăng hơmâo ruah kiăng pơtop hrăm kơ bruă pla pơjing hiam hơdjă, lăp pơhlôm bong glăi ayuh hyiăng pơplih sat, pơlir hăng bruă čih anăn ngă, wai lăng, tŏ tui mrô kual pla hăng tong ten anih pla hăng hơdôm bruă ngă mơng pla pơjing truh blơi pơhrui. Jơlan hơdră anai ăt pơtrut ngă tui jơlan hơdră tui hơnong pơkă (SOP), ƀơƀrư̆ ngă klă tui bruă pla gơnam djơ̆ tơlơi rơkâo sĭ mơdrô.

Amăng jơlan hơdră anai, ƀing kiăo tui hrăm hơmâo nao lăng hơbô̆ bruă pla boh kruăi hrĕ giăm 8.000 met karê ƀơi xã Phú Sơn Lâm Hà, ngă hmua tui jơlan gah VietGAP, yua đing pruih pơkrem ia, pruai kmơk hajăn; laih dong ĕp lăng bruă pơkra gơnam đang hmua dưi pơđuăi rơbêh 10.000 tơ̆n ha thun. Mơng pơtop hrăm hăng pơlir nao rai sit nik, anom pơsur ngă hmua dêh čar anăp nao ba mrô kual pla, pơthâo tong ten anih pla amăng bruă ngă hmua, pơlir kual pla hăng bruă pơkra gơnam, blơi pơhrui hăng sĭ mơdrô pơ tač rơngiao, hrưn đĭ pran bơkơtưn mơng gơnam đang hmua Việt Nam.