VOV4.Jarai-Ƀơi tơring čar Kon Tum bruă ngă hrŏm mơ̆ng tơhan hơđăp djru tơdruă pơklaih ƀun rin, bơwih ƀong huă rơgơi, hơmâo bang bơngač truh lu bruă: ngă hmua pla pơjing, čem rông hlô mơnong, bơwih bơwang, pơkra ming gơnam boh troh đang hmua, sĭ mơdrô, kiăng pơđĭ tui tơlơi hơdip mơda mơnuih ƀôn sang hăng djru tơdruă ding kơna amăng khul hrưn đĭ pơklaih mơ̆ng tơlơi ư̆ rơpa hơđong kơjăp.

VOV4.Jarai - Lơ 19/12, Gơnong bruă đang hmua hăng pơđĭ kyar ƀôn lan tơring čar Dak Lak pơphun Jơnum klah čun bruă mă thun 2024, pok pơhai bruă jao thun 2025.

VOV4.Jarai - Hơdôm thun rơgao, tơlơi mă yua jrao pơgang phun pla, jrao pơgang arong hlăt amăng bruă ngă kơphê jai hrơi jai lu, samơ̆ bruă pơhrui djah hăng pơsir djah get čai, kơdung anung jrao ƀu klă ôh. Tơlơi anai ngă sat kơ lŏn drŏn, ia yua hăng tơlơi suaih pral mơnuih ƀôn sang; ngă ƀu gal kơ mơnuih ngă đang hmua Việt Nam amăng bruă sĭ gơnam kơ dêh čar tač rơngiao đĭ kyar.

VOV4.Jarai-Kual Dao Kơdư hlăk amăng bơyan pĕ kơphê hăng rơnoh kơphê pơmă mơ̆ng 120-130 klăk prăk sa kg. Ană plơi pla mơak yua nua kơphê đĭ samơ̆ bơngơ̆t mơ̆n bruă pơgang đang kơphê hrơi mlam hŭi arăng dơ̆p pĕ. Tơlơi klĕ dơ̆p kơphê hơmâo na nao đôč, dơ̆p mă kơphê dŏ ƀhu ƀơi lan sang, đang sang, amăng hơjai, atông sang, truh pơ hmua đang pĕ aka ƀu abih, ngă kơ mơnuih pla kơphê, pit ƀu hơđong dong ƀu mơak ôh.

VOV4.Jarai - Tơring čar Dak Lak lĕ sa amăng 10 bôh tơring čar, ƀôn prong hmâo mrô sang anô̆ rông čim črang črah lu hloh đơ đam dêh čar. Tơring čar hmâo lu lŏn pơđĭ kyar hăng mrô sang rông čim ƀơi tơring čar ăt đĭ tañ mơn amăng hơdôm thun jê̆ hăng anai.

VOV4.Jarai - Dong mơ̆ng lu thun hăng anai, mơnong rơmô phang sa pơ-iă dưi lăng lĕ gơnam pơkra phara mơ̆ng tơring glông Krông Pa, anih anom ƀiă hơjan lu pơ-iă ƀơi tơring čar Gia Lai. Lu mơnuih ƀơi anai ƀu kơnong kơ pơjing anăn păn añăm mơnong phang sa pơ-iă ôh mơ̆, ñu dô̆ pơđĭ bruă pơkra añăm mơnong jing gơnam bơwih ƀong mơ̆ng rim sang anô̆ dong, djru pơđĭ kyar bơwih ƀong, mơnuih mơnam ƀơi anai. Pô hyu mă tơlơi pơhing gah črăn hơdră hmâo tơlơi čih lăi pơthâo

VOV4.Jarai - Hăng bruă mă yua hơdră ngă hmua pơdai mơ-ia hăng pơdai thu khuă plah nao rai, mơnuih ngă hmua ƀơi lu kual ngă hmua pơdai hmâo dong kơmlai mơ̆ng bruă sĭ mrô carbon. Ƀơi tơring čar Dak Lak, tơdơi kơ thun blung a mă yua lông lăng hăng truh kih hăng hơdră anai, tơring čar hmâo laih kơčăo bruă pioh pơhư prong amăng hơdôm thun pơ̆ anăp. Kơnong bơyan pơdai phang 2024-2025 pơ̆ anăp anai lŏn ngă hmua pơdai tui hơdră phrâo dưi pơhư prong truh 500 ektar.

VOV4.Jarai - Thun 2024, Gơnong bruă đang hmua tơring čar Dak Lak hmâo dong hơdôm bôh tơhnal lăp djă pioh hăng pơhlôm akô̆ tlôn.

VOV4.Jarai-Hăng anŏ gêh găl ayuh hyiăng, lŏn mơnai glai klô rơ-ơ̆ rơ-iom, truh ră anai, ƀơi 3 boh tơring glông kual ataih, čư̆ siăng tơring čar Kon Tum, kah hăng : Kon Plong, Tu Mrông hăng Đak Glei hơmâo pơđĭ kyar rơbêh 4.100 hektar (ha) phun kơphê pla amăng anih ayuh hyiăng rơ-ơ̆. Boh tŭ yua dưi hơmâo mơ̆ng phun pla anai, djru kơ mơnuih ngă hmua tơring čar Kon Tum hlăk pok pơhư prong đơ đam pla pơjing, laih dơ̆ng hơmâo hơdră pơđĭ tui boh tŭ yua hiam hăng rơnoh pơhrui glăi lu kơ tơlơi bơwih ƀong huă mơ̆ng phun kơphê pla ƀơi kual lŏn mơnai glai rơ-ơ̆ amăng tơring čar.

VOV4.Jarai-Anom pơsur bruă ngă hmua-pơdjuai pơjeh phun pla hăng hlô mơnong rông laih anun djuai akan hơdang tơring čar Dak Lak jơnum pơƀut bruă mă tui Kơčăo bruă “Akŏ pơjing hơbô̆ bruă pla phun boh troh djơ̆ hơnơ̆ng pơkă VietGAP bơwih brơi bruă pơđĭ kyar anih ngă hmua pla boh troh anăp nao ĕp ĕp anih anom sĭ mơdrô hơđong ƀơi hơdôm tơring čar amăng kual Dap Kơdư mơ̆ng thun 2022-2024.