Kơčăo bruă anai hơmâo ngă mơ̆ng blan 3/2024 truh blan 3/2026, hăng prăk ngă bruă giăm 1 klai 900 klăk prăk, yua Jơlan hơdră Đĭ kyar Sang gum hơbit djŏp dêh čar djru hluai tui Keh prăk pơgang Ayuh hyiăng rŏng lŏn tơnah.

Tơdơi kơ 2 thun ngă bruă, kơčăo bruă anai hơmâo sem lăng giăm 2.000ha glai hăng lŏn glai, hơduah tơña 150 boh sang anŏ, akŏ pơdong 5 hơbô̆ bruă ngă hmua pla glai ƀơi đơ đam lŏn 2,5 ha; pơtŏp bruă, pơtô brơi mă yua boh thâo ia rơgơi ngă hmua kjăp, mă yua boh thâo biochar, mơ̆ng anun hơmâo 80% boh sang anŏ ƀuăn ngă tui. Laih dong, djru đĭ kyar čơkă tuai hyu ngui amăng plơi ƀơi ƀuôn Đung hăng ƀuôn Tlong, ƀơ ƀrư̆ akŏ pơjing bruă bơwih ƀong nao hrŏm hăng pơgang glai. Lu tơlơi pơgôp hiăp lăi hnai, kiăng pơtruh hrŏm gong gai, ƀing kơhnâo kơhnăk, anom bơwih ƀong hăng mơnuih ƀôn sang či ngă na nao, pok prong hơbô̆ bruă tŭ yua sui pơ anăp./.