Anai lĕ tơlơi pơhing hơmâo Ding jum ngă hmua hăng ayuh hyiăng laih dong Ding jum kông ang ba tơbiă amăng jơnum pok pơhai bruă pơkă lăng, pơkra hră lơkak lŏn mơnai, ngă hră pơ-ar lŏn mơnai, pơjing hră lŏn mơnai hăng pơgiong anih djă pioh hră pơ-ar dêh čar kơ lŏn mơnai pơphun ƀơi Hà Nội. Tui lăi pơthâo mơng Ding jum ngă hmua hăng ayuh hyiăng, hơdră bruă 90 hrơi mlăm ngă brơi djop, tong ten hră pơ-ar dêh čar kơ lŏn mơnai hơmâo Ding jum ngă hmua hăng ayuh hyiăng laih dong Ding jum kông ang pok pơhai mơng lơ 1/9-30/11/2025 hơmâo ngă ha amăng plĕ hăng tong ten hơmâo rơbêh 62,49 klăk blah lŏn mơnai amăng đơ đam dêh čar.

Anai lĕ hră pơ-ar čih pioh “djơ̆, djop, ten, sit nik” kiăng djru brơi bruă pơplih mrô hăng wai lăng lŏn mơnai brơi tŭ yua. Khua ding jum ngă hmua hăng ayuh hyiăng Trần Đức Thắng brơi thâo, bruă pok pơhai pơkă lăng, pơjing hră lơkak lŏn mơnai, ngă hră lŏn mơnai hăng pơgiong anih djă pioh hră pơ-ar lŏn mơnai lĕ bruă jao kơđi