Ƀơi mông jơnum, rơngiao kơ pơtŏng glăi bruă ba sĭ braih thun 2025, hơdră ba sĭ braih amăng thun 2026 hăng hrơi blan pơ anăp. Kơ anih ba sĭ braih amăng 2 blan akŏ thun 2026, Philippines ăt jing dêh čar blơi braih lu hloh mơ̆ng Việt Nam, jing rơbêh 55% mrô braih ba sĭ amăng dêh čar ta, hơmâo 711.264 tơn, đĭ 30% pơhmu hăng tơđar thun 2025; dong tal 2 lĕ dêh čar Khač, hơmâo năng ai 14% mrô braih ba sĭ mơ̆ng Việt Nam, hơmâo 178.165 tơn, đĭ rơbêh 143% pơhmu hăng tơđar thun 2025.

Him lăng mơ̆ng blan 3, bruă sĭ braih mơ̆ng Việt Nam pơ hơdôm boh dêh čar amra tơnap, yua hơmâo tơlơi blah ngă kual Trung Đông, laih dong prăk pơgiăng hyu braih amăng dêh čar đĭ mơng 20.000 -30.000 prăk/sa tơn; anŏ tơnap mơ̆ng hơdôm boh dêh čar ba sĭ braih prong kah hăng Thái Lan, India, Pakistan; braih hơmâo lu lĕ yua bơyan Puih phang 2025-2026 glăk truh bơyan hơpuă yuă laih./.