Rơđah tui anai, amăng 4 kơčăo bruă anai, hơmâo 3 kơčăo bruă apui lơtrik hrip pơ-iă yang hrơi hăng 1 apui lơtrik pơkĕ jua angin, jua đuăi 230MW, him lăng hơmâo pok pơhai ngă ƀơi să Ia Le, hăng ha bơnah ƀơi să Čư̆ Pưh. Gong gai să Ia Le hăng Čư̆ Pưh gơgrong bruă duh lŏn kơ mơnuih ƀôn sang, djru ba, pơdong plơi phrâo kơ ană plơi pơ anih ngă bruă, čuk pơkra anih či pơkra apui lơtrik.

Jơnum min mơnuih ƀôn sang tơring čar Gia Lai ăt kiăng anom bruă tuh pơ alin kiăo tui tơlơi phiăn kơ tuh pơ alin, man pơdong, lŏn tơnah, hăng ayuh hyiăng; pơhlom prăk ngă bruă, mă yua măi mok phrâo, klă, laih anun ƀu dưi jao glăi kơčăo bruă kơ pô pơkŏn ôh lơ̆m aka ƀu hơmâo gong gai anom bruă wai lăng tŭ ư./.