VOV4.Jarai - Pơđĭ kyar glai pla kyâo pơprong hơmâo hră FSC ƀu kơnong pơđĭ tui bơwih ƀong huă mơ̆ng kyâo glai đôč ôh mơ̆ pok rai jơlan phrâo kơ kyâo Việt Nam hrưn đĭ pơ rŏng lŏn tơnah. Mah hnun hai, sit biă ñu brơi thâo, abih bang hơdôm boh tơring, mơnuih pla kyâo juăt laih pla kyâo anet, ƀudah kiăng pơplih jing kyâo prong lĕ bưp lu tơlơi tơnap, kơ boh thâo, tơlơi thâo hluh kơ hơnong pơkă jar kmar.

VOV.Jarai-Bơyan anai, amăng đơ đam hmua pơdai ia ƀơi hơdôm boh să Chư A Thai, Phú Thiện, Ayun Pa, tơring čar Gia Lai glăk yak nao bơyan yuă. Jua măi mơñi dik dak, hmua pơdai mơboh ba glăi tơlơi hok kơdok brơi neh met wa ngă hmua. Kiăng hơmâo boh than tui anai, rơngiao kơ tơlơi gir run mơng mơnuih ƀôn sang, ăt hơmâo tơlơi gum pơgôp yôm phăn mơng hơdôm ring bruă dơnao pơkŏng ia Ayun Hạ.

VOV.Jarai-Ƀơi anăp kơ tơlơi či kiăng jai hrơi lu laih anun ruah biă mă mơ̆ng mơnuih blơi yua, lu sang bruă sĭ mơdrô, sang bruă pơkra ming gơnam sĭ mơdrô ƀơi Dak Lak hơmâo pơblih phrâo, pơjing rai lu mơta gơnam sĭ mơdrô, ba yua boh thâo ia rơgơi mrô kiăng pôr pơthâo anăn păn gơnam sĭ mơdrô hăng kơtưn tơlơi pơhno mơ̆ng gơnam sĭ mơdrô Viêt ƀơi anih anom sĭ mơdrô jar kmar.

VOV.Jarai - Sang bruă boh thâo ia rơgơi ngă hmua pla kyâo kual Dap Kơdư phrâo lăi pơthâo akŏ bruă “Pla pla phun sầu riêng hăng mắc ca amăng đang kơphê: Tŭ yua, lông lăng hăng hơdră mă yua boh thâo phrâo”.

VOV.Jarai-Hăng kơčong čư̆ amăng yang An Toàn, să An Toàn, tơring čar Gia Lai, glông giăm 800 met pơhmu hăng jơlah ia rơsĭ, ha thun rơ-ŏt rơ-ơ̆, ƀu hơmâo glông hrĭp yua telephôn, ƀu hơmâo wifi…ƀơi anai jing anih pơčlah hăng pơkŏn, dua rơkơi bơnai dŏ hlăk ai Võ Minh Mơ hăng Đinh Lê Tuấn Anh hơmâo ruah pơphun bơwih ƀong hăng bruă pla glăi phun quế tui kru ơi yă hlâo adih, akŏ pơjing anom bơwih ƀong hrŏm pơkra kyâo jrao hăng bơwih bơwang An Lão mơng thun 2022. Bruă mă mơng ƀing gơñu hơmâo ngă mơdưh phun quế, ba glăi tơlơi bơwih ƀong phrâo kơ neh met wa hăng đăo gơnang nao kual glai rưng.

VOV.Jarai-Mơnuih mă akan hơdang Lâm Đồng glăk yak nao bơyan mă akan tuk sui truh abih blan 9 tui blan di hăng amăng hơdôm hrơi rơgao lu ƀattô mă ba glăi lu akan tuk ngă brơi neh met wa mă akan hơdang pơhrui glăi lu.

VOV.Jarai-Dak Lak glăk yak nao bơyan pĕ pơhrui boh sầu riêng. Phara hăng hrơi mông dik dak, đa ƀuh bơrơsua kar hăng hơdôm thun hlâo anun, bruă sĭ mơdrô amăng thun anai pơphun hơđong ƀiă. Bruă bơrơsua amăng blơi pơhrui ƀơi đang pla sầu riêng plai ƀiă yơh, nua ăt hơđong ƀiă, mơnuih blơi pơhrui hăng anom bơwih ƀong sĭ mơdrô ăt kơđiăng mơn lơm blơi pơhrui. Tơlơi pơplih anai pơdah tong ten tơlơi bơdjơ̆ nao mơng sĭ – blơi, rơkâo kjăp dong mơng anih blơi mut hăng tơlơi pơkôl pơkă phrâo hơmâo ngă tui.

VOV.Jarai-Ƀơi tơring čư̆ siăng Khánh Vĩnh, tơring čar Khánh Hòa, lu hơbô̆ bruă ngă hrŏm, lir hơbit hlăk pok pơhai, pơdah thâo anăp mă bruă pơđĭ kyar phrâo kơ mơnuih ƀôn sang djuai ƀiă. Anai lĕ bruă ngă găl brơi tơlơi hơmâo sit nik mơ̆ng tơring anai, djru ngă djơ̆ Jơlan hơdră tơhnal pơkă mơ̆ng dêh čar pơtrut pơđĭ kyar bơwih ƀong huă mơnuih mơnam amăng kual djuai ƀiă hăng čư̆ siăng.

VOV.Jarai-Tom brơi (7/9), grup bơwih ƀong sĭ mơdrô dêh čar Khač hơmâo mông mă bruă, hyu čuă lăng kual pla, anih anung gơnam hăng pel ĕp tơlơi dưi ngă hrŏm hăng gơnong bruă sầu riêng ƀơi tơring čar Dak Lak.

VOV.Jarai - Phun bôh kruăi hrĕ hmâo tơhnal gal jing gơnam ha klai dolar Mi, biă ñu ƀơi hơdôm anih anom blơi gơnam kah hăng EU, Mi, Australia, Hàn Quốc.